Kô 67 chhôh a ngai a si khao vei - Khizaw liata chyhsa pua chaipa ta ama reipa

Na ngai a si rai rai leipa ta noh khazie na y thei aw? Noh khazie ma ngiaryh-hlaryh kawpa ta, a pathai pahâ tlâ leipa ta na y thei vâ? Chyhsa hluh viapazy pi la Nohkha tlyma noh no tlyma ngai a si leipa ta eima y thei ngyu ma? Nohkha noh no padaipa ta ngai a si tyhpa na châ khiahta cha, kô 60 hlei chhôh a ngai rai rai a si beih leipa chyhsa pakha thâtih heta a cha pahlaw kaw thlyu na.

He chyhsa, kô 87 ta uhtheipa pawpipa, Amou Haji he kô 67 chhôh a ngai a si khao vei. Dejgah thotlâh khih, Kermanshah province, Iran liata pahrâpa a châ. A puana dâh cha, khatinorai ta meimyh nata a puapa ta a byh ngâthlâh ha tah thei awpa châ ta. Ti a chi tu hapa vâta a ngai a si ngâh vei. A ngai â si khiahta cha a pasa ha aw, tahpa cha khâchâ mochao sa patu ta a patu thlâh ha. 

A ngai â si beih leipa thota, a hrozie no-âhchhih kaw heihpa miakha cha, sa (râhsa/Sahroh) thi chiehpa, a thu hapazy sa he nie khoh pachaih ta, Sawku sa he a khoh pachaih hra. Mei pazy ngâthlâh ha tyh ta; châhrasala aomâh pazy beih vei. A aomâhbeih sai-ie kaw bâpa liata Sahroh ie chawhpa khôpa ta, aomâh hawhta a pazy tyh. 

A thâtih Rohtuhpa 'Tehran Times' ta ama reina liata cha, Haji heta a Thyudyu viana daihti nota a palôh pasasa kawtuhpa hmo â tyhpa vâta he hawhna heta anodeita hro a hmâh hapa a châ, ama tah. 

Pheisaih lakhu (War helmet)-zy cha ziza chakuapa tawhta a palalôhna awpa ta a khu tyh ta; a pahrâ khohna chhao â nano kaw, thlâ hawhta lei khaoh ama chaopa liatazy, ano vaw ngiachhietuhpa chyhsa thokhazy ta alô pachopa ta Tlâhphia hawhpa ama taopa liatazy â rie tyh. Nohkha ta ti litre 5 rachhôh, daokabyh sai-ie kaw bâpa hmâpa ta doh tyh ta; a sâ chhao mei liata hlihpa ta, a tai tyh.