US : A EIKHANA AWPA TA CHYHSAPA CHÂH-AO/PALÔH VAO CHÂH-AO/PALÔH TA AMA THLA

Washington: US dawhty (surgeons)-zy chata khizaw â dua tawhta a eikhana awpa ta, khizaw thaina hmâpa ta a eihhrâhpa ta mohôhpa Vao châh-ao/palôh (heart) cha chyhsapa, kô 57-ta uhtheipa châh-ao pha leipa thlana châta hlaotloh kawpa ta ama hmâh thei haw; he he thohna thaina lâta hmo ngiatlâhpa, atahmâhlâ khizaw liata chyhsa pôhpa pachiahpa thla a ngiahpa pathlâpazina kyh liata hmo phahnai kaw awpa a châ thei na ta a hnabeiseihpa a châ.

He Vao châh-ao/palôh, chyhsapa pôhpa liata ama pangaihpa he University of Maryland Medical School, US chata phuah ta. He tlâhleipa, vao châh-ao ta a châh-ao/palôh ama thlapa duasu chhao he a pha lymâpa ta reipa a châ.

He tlâhleipa, a châh-ao/palôh ama thlapa he David Bennett he, ano liata chiehleina a ypa vâta chyhsapa châh-ao/palôh hmâpa ta a châh-ao he thla thei awpa châ khao leipa ta - a eihhrâhpa ta mohôhpa (Genetically modified) vao châh-ao/palôh ta ama thlapa hapa a châ.