Politics : INDIA ta BJP pahnie thei mâh aw vei ‘India Today Mood of the Nation Poll’

India thâtihthiehpa hiezawhtuhpa alâluahpa, Thlazoh, 2023 thla chhôh châta India Today ta zawpi pachâdâh alana, ‘India Today-CVoter Mood of the Nation’ liata âlâzie ta cha chakhotuhpa apazaopakhypa ‘INDIA’ âtahpazy ta sawhkhâ haipa BJP pahnie thei mâh aw vei ei tahpa cha zawpi hluh viapa ta amâ chhyna a châ. Achhytuhpa zakha liata 54 ta INDIA ta BJP cha pahnie thei mâh aw vei ei, tahpa ta achy ei ta, zakha liata 33 ta a pahnie thei aw, tahpa ta amâ chhy hra.

Chakhotuhpa Party apazaopakhypazy ta ama paduapa, a moh châta INDIA ama bipa he ‘Indian National Developmental Inclusive Alliance’ tahna châ ta, atliata chakhotuhpa Party-zy Bengaluru, Karnataka liata amâ hmôpakhy tawhta a moh he bipa a châ. INDIA he kô 2024 Lok Sabha atlyh tita BJP-chhithapa National Democratic Alliance (NDA) chakho awpa ta paduapa a châ.

Zawpi pachâna lana liana heta, INDIA tahpa heta Vote a pahmôsa hluh via thei ma? tahpa hiahrihna cha zakha liata 39 ta a pahmôsa hluh via aw, tah ei ta, zakha liata 30 ta he he apyh vei ei.

Mohropa zakha liata 18 ta INDIA chata Vote aw leipa aw ta, a moh cha nahcharao kawpa châ hra vei, ama ta.

Hriaparaohpa INDIA chhihtha awpa ta ahy tloh chai aw? tahpa hiahrihna cha, zakha liata 24-zy ta Congress chhituhpa Rahul Gandhi tah ei ta. West Bengal Chief Minister Mamata Banerjee nata Delhi CM Arvind Kejriwal akhohtuhpa zakha liata 15 rairie ama châ.