Pasana hri chichhihpa Nipah Virus ta Kerela State a pabua hai

Kerela liata ‘Nipah pasana’ a chareipa vâta Kozhikode liata cha Pohbienoh nata Chutyhnoh châta siku zydua khawpa a châ.

He siku khaw awpa ta biepiepa he Kozhikode District Collector A Geetha chata phuahpa ta, he noh no chhôh heta achuna O zy chata ‘Online’ pachuna ama siekhei pazao thei aw, tahpa a palâsa pâ hra. He hawhta a châ nona heta, University achuhaipazy châta deikua Exam cha adaihtita liata pathao pyly awpa a châ, tahpa palâsapa a châ hra.

Atliata Kerela liata Nipah pasana hri ohpa ama hmôpapua tawhta, Pakhynoh khata Health Worker pakha, kô 24-ta uhtheipa cha he pasana hri a oh tahpa hmôpapuapa châ heihpa ta, he pasana hri he chyhsa 5 ta ama oh ha tahna a châ.

NIPAH VIRUS CHA KHÂPA MAW?

Nipah Virus (NiV) he râhsa tawhta pasana hri ahiezawhpa châ ta, râhsa tawhta chyhsapa lâta ama paka pachhuah tyh. NiV â vaw luah tuachaina cha kô 1998 châ ta, Malaysia nata  Singapore liata châ ta, he nona heta Vao ta he hri he ama oh chai. He tawhna heta he hri he i, chhiezao, mie, arâ nata mietaku liatazy hmôpa a châ. He pasana a oh hapa chyhsa ta chyhsa hropa lâ ama pakapachhuah thei hra.

World Health Organisation, chata Nipah pasana a oh hapazy hryta zakha liata 40 tawhta zakha liata 75 taihta thikhei theipa a châ, ama ta.

KHEITA Â LÂPAPUA?

Nipah virus he chyhsapa ta a oh tawhta noh 4-14 chhôhta alâpapua ta. Athaohta nota cha chasipa nata luhpasapa hnei tua ei ta, pakhupa, rao sawpa/pasana nata huso rietheipa ta a pazi tyh.cough.

A paru viapa liata cha, he hri heta Encephalitis, lathli pasana nata thina taihta a tlôkhei thei.