“KYHPACH”

- Rev Dr Laiu Fachhai

“Kyhpachâ” tahpa reihkah he hlâno Mara reih thabypa liata y ngyu vei. Hlâno Mara hlazy (Awkhypa hla, Ngiaphia Ao, Hnaro Ao, etc) liata “kyhpachâ” tahpa reihkah hmô awpa a sôh kaw.

Ei pachâ tyh. Vaili mahpaw kha ta, khazia ma “Khazohpa ta khizaw dao ngaita ta …” tah thlah ha leipa ta, “Khazohpa ta khizaw kyhpachâ ngaita ta … “ a tah aw vâ I?

He khaihna tawhta saipa ta, Mara reih ta “kyhpachâ” tahpa reihkah eima hmâ tuana (etymology) he Kri eima zy tawhta a vaw thaopa châ sa la pangiasa â chhih. Mizo-nah ta “Hmangaihna” ama tahpa tawhta paliepa a lyu.

Mongyuh reih ta “Love” ama tahpa he, Mara reih ta cha “Dao” eima tah. Châhrasala, Mara reih a

hneirô laih n’awpa ta “Kyhpachâ” tahpa reihkah eima hmâpa chhao a pha kaw thlah ha. Anodeikua "Kyhpacha" heta, biekawh (syllable) sâthôh po a hneipa vâta ("kyhpachäna" chhochhi cha biekawh säpalih a hnei), hla phi n’awpa (aony a hneipa hla nata reipa hlaphôhzy) châta lalao pâ kaw tyh ta, rhyme nata meter-zy tao n’awpa ta rairuna khazie rakha ma a tlôkheipa vâta, hla phi nawpa liata la “Dao” hmâh tyhpa chhao a pha via thei.

Mongyuh reih ta “Love” ama tahpa he Mara reih ta cha a hmâna reizie ta biesâ nanopa a hnei khai:

Chhôhkha likah liata = Dao

Khazoh ta a hneipa = Dao

Satlia laihsa likah liata = Vâ-ia/khoh

Viasa nata viasa likah liata = Tlaichhai?

Khih nah râh châta = Thapasa