EPL FIXTURES : Etihad Tlyliah liata City ta Liverpool ama vaw khichhai aw

Photo : EPL Fixtures

World Cup 2018 Russia Qualifying round vâta amâ pahâ tawhta English Premier League cha atazâ amâ khaih heih aw.

Atazâ he khaih 7 y aw ta, dawh 5:00pm-pa ta Manchester City nata Liverpool-zy cha Etihaad tlyliah liata akhaih aw ei ta, a mopha kaw aw.

Manchester City nata Liverpool rei leipa ta atazâ dawh 7:30-pa liata Arsenal ta AFC Bournemouth tlyliah ngai aw ei ta; 4-0 ta Liverpool hmia liata ama dua tawhta Gunners heta pahniena ama to thei ma?tahpa pahno byuh â chhih kaw.

Premier League Point Table Top 10 

Dawh 7:30 pyly ta Everton nata Tottenham Hotspur akhaih aw ei ta; Leicester City ta Chelsea vaw khichhaipa ta, zâ dawh 10-pa liata Stoke City ta Manchester United ama vaw khichhai hra aw.
Mylâ Abeipa noh zâ khita khaih 3 y aw ta; zâ dawh 6:00-pa liata Burnley nata Crystal Palace akhaih aw ei ta; dawh 8:30-pa ta Swansea City nata Newcastle United-zy amâ khaih heih hra aw. Zâcho khôlâ, 12:30-pa ta West Ham United nata Huddersfield Town amâ hmiachhy hra aw.

Premier League khaih 3 sai amâ khaih hapa liata Manchester United ta pahniena to khai chypa ta Point 9 hmôpa ta 1-na liata y hai ei ta; Liverpool cha ei 2 pahniena topa ta ei kha amâ draw tawhta Point 7 hmôpa ta 2-na liata y ei ta. Kiah thiehpa Huddersfield Town FC ta Club laipazy chhaopa ta Point 7 pyly hmôpa ta 3-na liata ama y hai hra. Huddersfield Town he Manchester City nata West Brom-zy ta 4-na nata 5-na liata ypa ta za pazi ei ta; Champion haipa, ei 2 tlôpa ta ei 1 ama tlô lei tawhta Point 6 hmôpa ta 6-na liata ama y hai hra.