Puhpa F.Lawmkima, EM, Forest, MADC ta Tisi chavah pabohsa awpa ta khih nano nanopa tly hai

Photo : Puhpa F.Lawmkima, Chheihlu khih ta ama vaw ly

Tisi chavah nata Ka-ao chavah pabohsa a peimawhzie nata râhmâhpa nata hmohrohneipazy pabohsana kyh liata Mararâh khihzy pachuna pie awpa ta atahmâno he Puhpa F.Lawmkima, EM i/c Environment & Forest, MADC chata khih nano nanopa atly hai.

Puhpa F.Lawmkima, EM Environment & Forest, MADC heta Tisi Chavah nata Ka-Ao Chavah pabohsana kyh hmahlana châta Tipa, Zyhno, Siatlai, Ahmypi, Khôpai, Laki zy tlyhpa ta, atamy dawh 7-pa khata Zyhno khih tawhta Chheihlu khih tlôpa ta, he liana heta Vâtlâh apakhyna, VC Court House liata a hneikhei ei.

Atamy ta Chheihlu khih liata vâtlâh apakhyna liana heta Puhpa F.lawmkima, EM hleikhôta, Puhpa Thaly T.Azyu, DCF, Environment & Forest Department, MADC, Puhpa N.Laihlao, FRO, Environment & Forest  MADC (Tipâ), Puhpa C.Beirathie, Gen.Secy., MTP Sub Hqrs, Tipâ-zy ta chavah pabohsa a peimawhzie nata râhhmâhpa nata hmohrohhneipa pabohsana peimawhziezy reina ama hnei.

Daihti hmâ khaipa a châ tawhta Chheihlu V/C-zy ta EM nahta a sahlaozy he châta my pati amâ vaw chhuahnohpa ama dôhpahmaoh.

Chheihlu khih liata vâtlâh apakhyna ama hnei khai tawhta atanoh zâlâ dawh 1-pa khata EM nata a sahlaozy heta Zyhno khih liata vâtlâh apakhyna ama hnei heih hra.

Tisi chavah nata Ka-ao chavah pabohsana chôchâh liata khih nano nanopa atlytuhpa Puhpa F.Lawmkima, EM, Environment & Forest, MADC he Siaha tawhta Puhpa Thaly T.Azyu, DCF, Environment & Forest, MADC hleikhôta Tipâ tawhta MADC Environment & Forest Official-zy nata MTP chhihthatuhpazy ta ama chakaohlâ.