Football Transfer

Man Utd ta £100m ta Griezmann lapangia amâ chhuah

Manchester United chata Atletico Madrid Forward Antoine Griezmann cha £100 million ta lapangia amâ chhuah heih awpa hawhta Daily Star ta a palâsa.

He France international he atahmâ nopi Player apasiena daihti âpahy nona khata Old Trafford lâ ngai awpa hawhta biethâh athata pathâh ta, châhrasala Atletico Madrid cha Player chaleina kyh nata zuana kyh liata hâkô Nawh thlâpâ taihta pakhâpa/hriepa ama châpa vâta a hlaotloh khao leipa kha a châ.

Anodeikuala, Jose Mourinho ta Griezmann he kô 2018 liata United liata âkhaih awpa ta thlyu thei awpa ta hnabeiseihna lai kawpa hnei hai ta; a hlaotloh khiahta cha Griezmann France team-mates Paul Pogba nata Anthony Martial-zy nahta apakaoh aw ei ta, Premier League a mppha via tlai aw.

Raheem Sterling, Man City liata a y chy aw

Manchester City winger Raheem Sterling he Premier League club hropazy châta lapangia byuh achhih kawpa amâ chadaipazi haipa châ taraw hrasala, City liana heta a châh lymâ chy awpa alyu kaw.

Daily Mail ta a palâsana dâh liata Liverpool player parohpa he Gunner ta lapangia khoh kaw ei ta. Anodeikua atakô chhôh cha City liana heta y chy awpa alyu kaw. Arsenal heta City ta Nawh thlâpâ liata Alexis lapangia achhuahpa ta amâ vaw daoh heih khiahta la Sterling nahta arina dâh amâ pachâ awpa hawhta reipa a châ hra.

Pep Guordiola ta Tottenham centre-back Toby Alderweireld lapangia âchhuah

Manchester City coach Pep Guardiola chata Tottenham centre-back Toby Alderweireld cha Vincent Kompany athlatuh awpa ta lapangia âchhuahpa hawhta The Sun thâtihbu chata a palâsa.

Alderweild agent chata Tottenham defender he White Hart Lane liata hâta eikha ta £50,000 ama pahlaosapa chôchâh liata apalôhtlâh vei, tahpa reihpapua ha ta; he hawhpa pyury a y nona heta Kompany ta hmah a phaohpa vâta City defence taopathituh awpa ta Guardiola lapangia âvaw chhuah ha heih hrapa a châ.

Diego Costa nata a chhôhkhazy Madrid lâ

Chelsea tawhta pua awpa achhuahpa ta tei haipa, striker Diego Costa chata London puasaipa ta a chhôhkhazy chhaota Madrid lâ â palypa ta, Atletico Madrid ngai awpa âchhuahna cha a pa-ipacha lymâ chypa hawhta The Sun thâtihbu ta a palâsa.

Costa he Blues boss Antonio Conte nahta â tah thai leipa ei ta, he vâna heta Stamford Bridge puasai awpa ta athata a tei haipa a châ.

Barca lâ â ngia thei khao leipa vâta Phil Coutinho palôh a pasa

Liverpool attacker Philippe Coutinho cha atahmâ Player apasiena daihti liata Barcelona ta ama lapangia thei khao leipa vâta a palôh a pasa kawpa hawhta Don Ballon ta ama palâsa.

He Brazil international heta Catalans chata thapi phia viapa ta ano cha lapangia amâ chhuah awpa hawhta a pachânazie reih ta. Report ta a palâsana dâh ta cha Barca director-zy ta ama lapangia tlai awpazie bie amâ taih ha hra.

Arsenal ta Monaco tawhta Thomas Lemar ama lapangia aw

Arsenal chata a bie ta Monaco Player  Thomas Lemar cha Nawh thlâpâ liata lapangia awpa ta ama pasia haw. Gunner heta Lemar mâ liana heta €100 millionhryuh aw ei ta; hâta eikha ta  £250,000 ama pahlaosa awpa hawhta The Sun thâtihbu ta a palâsa .

He hawhta a châ nona heta The Sunday Mirror chata Manchester United ta Lemar he Arsenal nahta amâ daohna â supia leipa ta a châ khiahta cha vaw lapangia awpa amâ chhuah hra.

Atletico Madrid ta Diego Costa amâ chadaipazi lymâ

Atletico Madrid-zy chata London lâ chyhsa vaw tuahpa ta, Chelsea cha Diego Costa chôchâh liata amâ vaw daoh chanei heih.

Altetico heta hâkô Nawh thlâpâ hlâ via cha Player lapangia pasaipa châ leipa ei ta, anodeikua Chelsea liata aly khao leipa Costa lapangia awpa deikua he pasiapanô para awpa ama khohpa vâta a mâ châta €35 million ama pasaih ha heih.