MADC Administrative Reform Commission Office pahypa a châ

Atamy dawh 11:00 khata Puhpa.N.Zakhai, Chief Executive Member, MADC chata MADC ry liata Administrative Reform Commission Office, CEM MADC, Bolâ liatapa cha a pahy.

Atanohta MADC Administrative Reform Commission Office pahyna he Puhpa V.Zacho, Executive Secretaryt, MADC chata chhihthapa ta, Rev.Thylua Hlychho, Moderator, ECM (Evangelical Church of Maraland) ta apavaosana a hnei ta. MADC ARC Office pahytuhpa Puhpa N.Zakhai, CEM, MADC chata, MADC-liata congress chhihthapa chata ama Election Manifesto hawhta hmahla lymâ awpa amâ chhuahnazie nata Administrative Reform Commission cha cha hmahlana sie lymâpa sâkha hrytapa châ ta, he ARC heta  MADC amohôhna pha viapa nata sianô viapa a sapapuapa hleikhôta,  Mararâh nata MADC chhao a phana lâta a chhihtha awpa âhnabeiseihnazie a rei.

           

Puhpa K.Riachho, IAS (Rtd), Chairman, ACR (Administrative Reform Commission) chhaota biereina hneipa ta, sawhkhâ phapa hnei awpa ta cha sawhkhâ raihriapa nata hmahlana rai rai â lâpahlie (Transparent) awpa châ ta. Sawhkhâ chata a chakaopa zawpizy duasu pahnopasiapa ta, dâh nata phôh hawhta rai a hria thai awpa ângiah hmeiseih, a tah hra.

ACR (Administrative Reform Commission)  Member zy cha: 

1.      K.Riachhô IAS (Rtd), Chairman

2.      Derrick Salai, Editor of Debate, Member Secretary

3.      Beila Khithie MCS (Rtd), Member

4.      TA.Chhotu Former Executive Secretary, MADC, Member

5.      V.Zacho Executive Secretary, MADC, Member 

Atanohta ARC pahyna apakhyna liana heta Puhpa.S.Hiatô, President, MDCC nata Ex.Minister chhaota biereina hnei ta, hrua-eihpa Siaha District liata chyhsa peimawhpazy nata MADC Official zy amâ hlao pha kaw.