Mawrâh liata District Hqrs pathaih chaipa khih ta tlaw thysy 1 a hlao aw

Siaha : Zâhnia my dawh 11:00-pa khata DC's Conference Hall-liata Pathaihna Hâta-2017 hmâh dâh n’awpa pachiapa ta atyupahmaohna hneipa a châ.

Zâhnia ta atyuhpahmaohna he Pihnô Harleen Kaur IAS, DC Siaha ta chhihtha ta, hrua-eihpazy nata avypakhypazy ta a kawh kawpa ta atakô pathaihna hâta hmâ n’awpa dâh reipahmaoh ei ta. Pathaihna hâta hmâ n’awpa dâh he UD&PA, Aizawl tawhta achhihthana ama taona dâh azipa ta pachiapa a châ.

Pathaihna hâta padaipachhaipa heta School, Office, Achhyna-O, Hotel, Vaih, khih pathaihpazy atlyhpa châ aw ta. Essay aropasuapazy, Debate nata Extempore Speech zy chhao âryhpaohna zie lymâ hawhta pachhuahpanohpa châ aw ta. Pathaihna kyh liata zawpi pachuna a roh phapa thâtihbuzy hnohta lymâ piepa a châ hra aw.

He Pathaihna Hâta-2017 pahyna apakhyna he târi 2/10/2017 liata hnei awpa châ ta. Pathaihna padaipachhaipa ta ataopasuana pachhuahpanohpa liata ataophapazy lâta lymâ raina hneipa a châ hra aw.

Zâhnia ta atyuhpahmaohna heta office, School, Achhyna-O, mopakha-O nata Vaih, lâthlôhzy pathai chyu awpa ta zawpizy ahaw ta. Vaih nata lâthlôh pathaina kyh liata VC nata vaihchhôh veiseihpa py laichaipazy hriaparaohpa châ sala tahpa a châ.

He hleikhôna heta pathaihna kyh liata azaohna District Headquarters zy châta târi 1-20 Thlarâh 2017 chhôh heta UP&PA pachhuahpanohpa ta hneipa châ aw ta. A mohpadona rai chhao rao-eihpa athaisopazy ta ama hria hra aw. Lymâ cha he hawhna heta a châ aw - 1-na tlaw thysy 1; 2-na tlaw 50,000 nata Ryuchâ; 3-na tlaw 30,000 nata ryuchâzy a châ aw.

He District Headquarters zy pathaihna kyh liata azaohna he 1) Open Defecation Free 2)Solid Waste Management 3)Information, Education and Communication 4) Community Participation 5)Drains 6) Public Feedback tawhtazy khopathliahpa a châ aw.