Champions League: Real Madrid ta ama nyungiapa ama pabohsa thei ma? PSG he khâpa ama lyu? Barca he amâ hra pathi thei ma?

Real Madrid ta â azaopa ta Champions League nyungia ei thôh ama chalona awpa ta atakô Champions League liata ziza vaw tao heih aw ei ta, Paris St-Germain Player chaleina châta sôhthih ama pahryuhpa mopa ta nyungiapa chalo awpa ta theina ama hnei tlai ma?tahpazy nata Barcelona he ama thyu pathi thei khao ma?tahpazy cha atakô ta UEFA Champions League liata Football khizaw mokhâh chaipa a châ cheingei aw.

He hawhta a châ nota atakô Season liata British Club sâcharu po amâ hlaopa heta ziza a tao thei ma? ama hryta sâkha chhâ heta cha nyungiapa ama chalo thlâh h’aw vei mâ, tahpa hiahrihna chhao a lai kaw hra py.

Real Madrid heta â zaopa ta nyungiapa ei thôh ama chalo thei ma?

Kô 1992 khôlâ ta Champions League nyungiapa âzaopa ta ei 2 a chalo thei tua chaipa Club, Real Madrid heta thâtih ngiatlâhpa tao ha ei ta. Hiahrihna lai kawpa a y theipa deikua cha Champions League liata ama ryureina ama pazao thei lymâ ma, kô 1956 liata Champions League pathaopa a châ tawhta Real Madrid Player hmiatuapazy ta ei pangawh po nyungiapa ama vaw chalo pazaopa hawhna khata atahmâta Player-zy heta ama chalo thei hr’aw ma?

Atahmâ duasu liata Real Madrid Club nata Player duasu mopa ta cha he hmo he a tlô theipa châ ta. Atahmâ hawh tluta Real Madrid hawhta team phapa y mâh vei ei tah thei awpa ta Champions League nyungiapa chalo awpa ta pangiasa chaipa châ ei ta. Season hmiatuapa Champions League Final, Cardiff liata Juventus hmiakô liata amâ pielyuna dâh hawhna khata ama hmiachhypazy ama nômiah thei ma, tahpa cha daihti ta avaw pasia lai awpa ta hawhta pachâ ei sihla. Khahlâ zydua hlâta Bernabeu liana heta hmialâ daihti châta achhuahnohna a y viapa ta â lâ ta. Thyudyu viapa Marco Asensio, Dani Ceballos nata mohropa vârozy he ama Coach Zinedine Zidane ry liata paw ama pakai hai.

Zidane ry liata Real hlaotlohna he nyungiapa tawhta deita panuapa châ leipa ta, Player mârupa, Zidane ta a pasâhsa kawpa Gareth Bale taihta hmahta su a to phathi tyh leipa châ ta, he he Isco âkaw luah tawhna rakha khata a châ via pachaih heih.

Cristiano Ronaldo, Toni Kroos, Luka Modric nata Sergio Ramos-zy ta Real puasai lei awpa ta biehraina liahsa ama roh hapa hawhta pachâna hryta Isco, Asensio nata a hropazy chhaota Real châta daihti vâro chhôh tlai akhaih awpa lyu ei ta, he heta Real Madrid hmialâ daihti a pakhaihsa kaw.

Paris St-Germain he nyungiapa chalo awpa ta pangiasa chaipa hryta amâ hlao ma?

“PSG lâ he ‘Star Player’ châ awpa ta â vy vana” tahpa ta Neymar ta reih ha ta.

Real Madrid ta Player chaleina kyh liata asohsina hneipa ta kô hro hlâta amâ chado ha khiahta cha, PSG heta Real chhaopa ta Player lapangiana kyh liata amâ hmâh hluh chai eima tah thei aw.

Neymar ama lapangiapa khata khizaw chalyu ta, PSG châta cha he he keih chakâna lai kawpa a châ tah leitheipa châ vei. Kô 2011 liata Qatar Sports Investments (QSI) ta PSG ama chalei tawhna rakha khata, atanoh taihta Player phapa, a lochona daihti a hmâh haipa ama lapangia thei leipa châ ta.

France liata thyutlia talent hnei pha chaipa tah thei awpa - Kylian Mbappe ta Monaco puasaipa ta Parc des Princes vaw ngai ha ta, Neymar chhao Europe liata hiakhalâ py châta Striker a hnykhaw chaipa a châ hra aw. Brazilian Neymar, French thyudyupa Mbappe nata Edinson Cavani-zy pathôh ama hneipa heta Europe liata Club chichhihpa ama châ ha hrapa rai a châ.

Barcelona he chi amâ chhih tlai ma?

Season khô hapa liata PSG paliepatheihpa ta Barcelona ta Last 16 liata pahniena ama to nona khata, ama thatlôna hnawh chaipa cha Neymar a châ tah thei awpa a châ. Atahmâ deikua he Brazilian heta PSG ngai ha ta, Barcelona châta cha â kileina râh a châ cheingei aw.

Neymar he Barca heta khâchâ ama patu ha awpa a châ nota, Neymar hmâhchhâ heta Barca Club a mohôhna dâh liata ngâna pie khao leipa ta. Lionel Messi chhaota atanoh taihta Barca liana heta biehraina thiehpa rochhi mâh leipa ta; he hawhta a châ nota Club President Josep Bartomeu dycharaona vâta Andres Iniesta deikua ta biehraina thiehpa a roh aw, tahpa biethâh y tal; he chhao he Iniesta heta a dytha ha heih hra.

Ama club liata atymâna nata ahmôthaileina y hrasala, atahmâ Nopi Player apasiena daihti liata Player ama lapangiapa zy deikua chhie tu muarua vei ei.

Right-back thiehpa Nelson Semedo lapangia ei ta; midfield liata chhao Paulinho lapangia heih ei ta. Ousmane Dembele chhao Borussia Dortmund tawhta lapangia ei ta, ano chhochhi he cha Ballon d'Or taihta a hnabeiseih theipa Player a châ thei aw. Châhrasala, ama ‘First XI’–zy eima sai na ta deikua ngâna pahnieh a ru kaw.

British Club tawhta kheihawhpa sie pasih chai aw?

Atahmâ Season he English Club ama hluh chaina daihti châ ta, Manchester United-ta Europa League nyungiapa ama chalopa vâta amâ khaih thei tawhta, Scottish champions Celtic amâ vaw baichha ha heih hra.

Jose Mourinho nawhta United heta ama Group mopa ta cha Group stage liata a chô chai liata ama y awpa pangiasana lai kaw ta, Benfica deikua he a ngâchhei ama nao kaw aw. Chelsea ta Player lapangia awpa ama pakhâ haipa nata Club atymâpa Atletico Madrid hmiachhy aw ei ta; he hawhta a châ nota Club a taopathi haipa Roma deikua a ngâchhei chakhyh awpa chi châ vei ei. while Manchester City-ta Napoli attack chi achhih kawpa tawhta amâ hrohrua thai awpa angiah aw ta; Shakhtar Donetsk chhao he siepakhô ama ru kaw thei aw.

Tottenham deikua heta ama yna Group liata Europe Club laipa, Real Madrid nata Borussia Dortmund ama hmiachhy awpa angiah aw ta; Celtic he cha Europa League lâ ama tla awpa pangiasa a chhih ta. Ama Group liata Club laipa, Bayern Munich nata PSG hleikhôta Anderlecht-zy he siepakhô ama ru kaw aw.

Liverpool deikua he Mohamed Salah ama hneipa vâna heta miah ama pahlaw tlamaw thei hra.

Atakô he kheihawhpa Club ma pangiasa leipa pi ta a pie pha sala eima pangiasa?

RB Leipzig he ama yna Group mopa ta Group â khothai kawpa hawhta pachâpa liata French champions Monaco, Besiktas nata Porto-zy chhaota y khoh ei ta.

Heta mopa ta ama moh alâluah chai vei hrasala Ralph Hasenhuttl mohôhpa Team heta vâsâta Naby Keita ama patu chynazy, Midfield liata Emil Forsberg theina ama hmâh thei awpa vâta chi amâ chhih kaw thei. Timo Werner ta Goal khô cheingei heih aw ta; ama lapangia thiehpa newly winger Bruma he a phahnai kaw aw.

Napoli chhao he pangiasa leipa pi ta a pie pha theipa Club châ ei ta. Serie A tawhta Club hropa - AC Milan ta Player chaleina kyh liata ziza tao kaw ei ta, Maurizio Sarri team he a icha kawpa hawhta pachâ theipa châ ei ta, ama hmiatlâh lâta Dries Mertens, Jose Callejon nata Lorenzo Insigne-zy amâ duah awpa chhao heta ama hmiachhy awpazy palôh a pabua kaw thei hra.

Manchester United nahta a hmiachhy cheingei aw, Benfica heta ama Player phapa vâro zuah papua hreisala, ama Player hnei tlakaihpazy heta miah ama pahlaw kaw thei hra.

Liverpool yna group he moh heih ei sihla, Dutch winger Quincy he Russian Premier League liata Spartak Moscow châta a chaluah chaipa châ ta – he hawhta a châ nota Roma heta Salah thlatuh awpa Player ama hmô mâh taraw leipa ta, thyudyu khochhihpa, Turkish Player chaveipa Cengiz Under he ama phahnaikhei kaw aw. 

FIXTURE