Crystal Palace ta ama Manager de Boer ama pabâ

Photo : Frank de Boer & Roy Hodgson

Premier League club Crystal Palace chata zâhnia khata ama manager Frank de Boer cha atahmâ Season ama pathaochhie tu hapa vâta ama pabâ. 

Palace heta he chôchâh liana heta châ papuapa ta, "Crystal Palace Football Club chata eima manager Frank de Boer eima pathlie haw," tahpa ta, “Frank he he Club châta âpiepasana nata hriapasana vâta alynabie eima hlâ hmeiseih.Manager thiehpa thlaita raopa châ aw ta; Frank he a hmialâ daihti châta khokheina eima hlâ." Ama tah hra.

Frank de Boer ama pabâ tawhna heta Crystal Palace he England boss parohpa Roy Hodgson  nahta reipazaopa châ ta. Thâtih siapa deikua khâpa hmahta y mâh vei. 

Frank de Boer ry liana heta Crytsal Palace heta Huddersfield, Liverpool, Swansea nata Burnley pahnie leipa ta Season pathao chhie kaw ei ta; he vâna heta de Boer he ama pabâ hapa a châ.