Siaha achuna-O liata Headmistress pha chaipa Pihnô P.Châki

Târi 14, Thlarâh 2017-pa khata Siaha DC Pihnô Harleen Kaur Office Chamber-liata atakô Pachutuhpazy Noh liata Pachutuhpa phapa atlyhpapuapazy thopi dokheina nata palyupalihna ryuchâna hlâna hneipa a châ. 

Teacher’s Day - 2017 Celebration Committee chata Siaha District chhôh liata pachutuhpa raihria phapazy atlyh papua awpa ta SDO (S) chhihthana ry liata Sub-Committee padua ta. He Sub-Committee heta a chakhiehcharieh kawpa ta Primary School, Middle School, High School nata Higher Secondary  School tawhta pachutuhpa pha chaipa nata Headmaster/Headmistress pha chaipa âtlyh hapa a châ. 

Pachutuhpa phapa atlyhna châna heta he hawhna heta khopathliahna hmâpa a châ : 1)      A Subject lapa liata achuhaipazy pass parcentage

2)      Regularity & Punctuality

3)      Co-Curricular Activities

4)     Châbu, Magazine, Article etc a papua hapa nata a ro hapa tawhta

5)      Awnanopa nata khihtlâh liata â hmâna tawhta

6)      Thaina/theina patluapa/nôchâ liata ngiatlâh châna

7)      Palyupalihna (Honour/Awards) a dao mâh ma?tahpa tawhtazy khopathliahpa a châ. 

Pachutuhpa phapa atlyhpazy lâta palyupalihna ryuchâ hlâna daihti he Pihnô Lalnunmawii,SDO (S) ta chhihthapa ta, Pihnô Lalnunmawii, pachutuhpa pha chaipa atlyhtuhpa Sub-Committee liata Chairperson a châ hrapa chata biereina hneipa ta, pachutuhpa pha chaipa atlyhpapuana he Siaha DC Pihnô Harleen Kaur ta a pachâ papuapa châ ta. Pachutuhpazy Noh â hmâpa a châ nona khata DC he Meeting peimawhpa vâta khi a tly no châ ta,  avaw tlô tawhta a Office Chamber-liata palyupalihna ryuchâ he eima cha hlâ hapa ei a châ, a ta. 

Siaha DC Pihnô Harleen Kaur chata pachutuh phapa châta atlyhpazy nahta thopi ama dokhoh theipa cha aly âchhih tahpa ta, palyupalihna ryuchâ nawh kawpa hmâpa heta ei châ lykhei ei. Siaha District ta achuna kyh liata hmah a sie lymâ n’awpa kyh liata  District Administrator ei châna hawhta tao theipa ei hneipa ta a châ khiahta cha  eina pasopakâ lymâ awpa ei chi ta châ haw ei na ta, ei pahy ngâthlâh ha hra, a ta. 

He palyupalihna daihti liana heta Headmaster/Headmistress pha chaipa liata Pihnô P.Chaki  D/o P.Zadô, Headmistress Gov’t PS-I, Meisavaih atlyhpa châ ta; Higher Secondary School Pachutuh pha chaipa liata Puhpa V.Samson s/o V.Macho (L), GHSS Siaha; High  School Pachutuh pha chaipa liata Puhpa VB.Byhna s/o V.Hiasa , ECM High School; Middle  School pachutuhpa pha chaipa liata Puhpa JC Lalthansanga s/o C.Thankhuma,  Gov’t Education Vaih Middle School; Primary  School pachutuh pha chaipa liata Puhpa K.Hrangkima s/o K.Khailua(L), College Vaih -I,PS-II-zy atlyhpa ama châ.