Hlasathaipa Kesha khata a pazô a doh tyh. Celebrity-10 zy hmo a paohpa no-âh achhih patlua kawpa he vaw reih hra tua

Chyhsa alâluahpa (Celebrities) eima tahpazy he ama O chhôh puasaipa ta khiliah liata zawpi ta eima vaw hmôna dâh ta cha, atobi dâh thai kawpa, pathaih pathao kawpa nata amohôh pha kawpa hawhta eima vaw hmô tyh. Châhrasala chyhsapa pyly châ hra ei ta, ama hro liata hmo anano kawpa, hmo amâ paohpa (Habit) anano kawpa hnei chyu ei ta, duah vaw reih hra tua.

1- Megan Fox

Eminem nata Rihanna Music Video – ‘Love the way you lie’ tahpa liata chhie lei kawpa ta â lâ ha ta; ‘Transformer’ Movies liata chhao a chhieleizie eima hmô khai. He chanô chhielei kawpa heta hmo a paohpa pha lei kawpa hnei ta. Cha cha ano tlaita a reina dâh ta – Ie-O liata a ie ti bao leipa ta a siesai tyhpa he a châ. A viasanahzy chhaota he cheingei he la ‘Nâ sihny tu ha’ ama tah ngâthlâh ha hra. A chhielei thlâh bao na ta.

2- Eminem

Rapper Eminem he ânano kaw heih hrana cha chhôhpadâh zoh kaluhpa liata â zia lei khiahta la a mô thei vei. Â mô chy maihta a chhôhpadâhpa liata khaihna zydua pazoh khai tyh ta; Hotel liata chhao he hawhna pyly heta â mô tyh.

3- Demi Moore

‘Ghost’ tahpa Movies liata â châ thai kawpa, a kô hlâta a hmi hawti viapa Demi Moore heta a hmi a hâti ngâthlâh ha thei n’awpa ta chava â pazysa tyh. Ngiaroh â chhih kaw na.

4- Jeetendra

He ‘Hamara Desh’ Actor heta a ie a ie nota thobâhla a nie tyh. He heta a pavyh a pathaipa hawhta a pachâ. 

5- Shah Rukh Khan

Bollywood beipa ama tahpa, Shah Rukh Khana heta hmo apaohpa anano kawpa hnei heih hra ta. Nohkha ta eikha ngâlâh a pheiky a pahluh tyh. He he a chhâpa cha khatinorai chysia mihtlaoh kawpa â tao awpa a khoh ngâthlâh hapa vâta a châ.

6- Sushmita Sen

He Miss World chhao avaw châ hapa, pôhraoh atlai kawpa heta O chhôh liata a ngai a si thai leipa ta, khôtho lia cheingei a ngai â si tyh.

7- Kesha

‘Tick-Tock’ tahpa hla hmâpa ta khizaw ta a pahnopa Kesha heta taozie no-âhchhih kawpa hnei ta. Cha cha a pôhraoh â ngia ngâthlâh ha thei n’awpa ta a pazô a doh tyh. Eikha chhao Concert a hneina liata a pazô doh ta, athata ama reipachhie.

8- Pamela Anderson

Chapaw mo a la kaw tyhpa nata Baywatch liata a châtuh chaipa Pamela Anderson heta thlalâ liata rai â moh khoh vei. Thlalâ liata a nothlahpa avaw lâpa cha moh khoh vei.

9- John Abraham

John Abraham heta a y pahâhpâ leina ta a phei athata a chalyu tyh.

10- Catherine Zeta Jones

Hollywood Actress Catherine Zeta Jones heta Strawberry hmâpa ta a hâh a chata tyh. Strawberry heta a hâh a pathai pachaihpa hawhta â pahno.