Atanohta Mizoram vaw tlytuhpa, PM Narendra Modi chata Tuirial hydroelectric power 60 megawatts piepapua theipa cha a pahy. PM heta Meghalaya liata Shillong nahta Nongstoin, Rongjeng nata Tura khihzy pazaona lâthlôh a pahy hra.
PM Modi, Shillong-Nongstoin-Rongjeng-Tura road, Meghalaya liata pahytuhpa chata zawpi hmiakô liata bie a reina liata “Ananona thlihpi pathli haipa chata Meghalaya chhao avaw tlô ha hra. Assam tawhta a thao ta, atahmâ cha Meghalaya avaw tlô haw” a ta.
Aizawl, Mizoram khihpi liata PM Modi heta North East Venture Fund ry liata chyhsa nano nanopa ku liata baona hlâ ta.
Tuirial Hydel Project apahyna liata PM Modi chata Centre sawhkhâ chata India Mawnochhi State zydua cha Railway Network Map liata a pahlao khai ha bâ, Rs. 47,000 crore hryuhna awpa Project 15 a pathao hai, a tah hra.
60 megawatt Tuirial hydroelectric power project he Mizoram he Central hmahlana ry liata North Eastern Electric Power Corporation (NEEPCO)-zy ta a taona rai ama hria. Tuirial tawhta dôhlatha taopapuapa heta kô kha chhôhta Odyh 84,000 khaihna apie thei awpa hawhta reipatipa a châ.
No comments