Bank Account liata Rs 2410.16 ngâlâh hneipa ta Atlyhna hmiachhy awpa Tripura CM Manik Sarkar

Tripura Chief Minister Manik Sarkar cha India râh Chief Minister hryta dyhchhie chaipa châ lymâ chypa ta, ano ta sôh â vaopa/a ku liata a y haipa cha Rs 1520 deita a châ.

Zâkhahnia Hriatuanoh khata Tripura CM heta Dhanpur Constituency tawhta nomination a file nota a sôh duasu he palâsapa ta, a affidavit thieh chaipa hawhta cha Communist Party of India (Marxist) CM Sarkar heta a bank account liata Rs 2410.16 hnei ta, he he kô 2013 Atlyhna liata a hneipazie Rs 9,720.38 hlâta a chyh via syulyu ha heih tahna a châ.

A ei charuna châta MLA â pie heih awpa, Sarkar he Tripura chief minister châ parei chaipa châpa ta, kô 1998 tawhna khata Tripura CM he avaw châ lymã. Kô 69-ta uhtheipa CPI(M) thikhei hrokheituhpa heta a hlao zydua Party Fund châta pie khai ha t. Party heta thlachareih Rs 10,000 cha a byuhpa nata a ngiahpa chaleina châta ama pie pakhua heih.

A affidavit liana heta CM Sarkar heta O hmo, 0.0118 acre ta a kawhpa, Agartala, a unawhpazy nahta amâ hlypa cha a ryuto hnei chhôhpa a châ, tahpa a palása hra.

- India Today