HAKHA MARASAWZY TA PUHPA HIPHEI A RÔNAH KAWPA TA AMA VAW DY

Târi 31 Nawh - 2 Hmypi 2018 chhôhta Hnaro, Nochhi Mara (Myanmar) liata Mara Meet, 2018 khichhailaipa cháta hruapa Puhpa Hiphei, Speaker, Mizoram Legislative Assembly cha zâhnia khata Hakha Marasawzy ta a rônah kawpa ta vaw dypa ta, zâ pati amã chhuahnohpa.

He Puhpa Hiphei dyna daihti he Puhpa Vakhaitha Chhaihlô (GS, MSA) ta pahnie kawpa ta chhihtha ta, Rev. Dr. Beirôna ta daihti pathaona thlahchhâna a hnei.

Puhpa Hiphei tawhta Hakha Marasawzy hnohta khokheina bie nata Hnaro khih liata MSO Gen Hqrs : Siaha nata MSA Nochhi Mara zy ta Mara Meet ama pachhuahpanohpa liata a hlao awpa ta a khypa a chânazie reihpa ta, Rev. Dr. Zakha (Patron, MSA) ta alynabie reina a hnei khai tawhta Rev. Sa E Hmo ta thlahchhâna ta daihti pachhâpa a châ.

He khai tawhta Hakha Marasawzy ta Puhpa Hiphei châta zâ pati amã vaw chhuahnohpa pahâh kawpa cha dôpahmaohpa a chã.