Mawrâh liata Autonomous District Council 3-pazy chôchâh reipahmaoh

Atanoh khata Raj Bhavan, Aizawl liata Principal Secretary to Chief Minister Puhpa Lalram Thanga, IFS chhihthana ry liata Mawrâh liata Autonomous District Council 3-pazy chôchâh reipahmaohna, noh no chhôh â ô awpa hneipa a chã.

Lai, Mara nata Chakma Autonomous District Council (ADC) ôna chhôh liata pachia awpa nata hmopeimawhpazy reina hneipa a châ.

Puhpa Lalram Thanga chata India Dâhpipa liata 6th Schedule ry liata Autonomous District Council zy ta âmo sasyh ta ryureina ama hnei thei n'awpa ta biehneina lai kawpa pie ta, cha biehnei lai kawpa chata maophaohna â sâh kawpa ã chakaihpâ a ta.

Principal Secretary ta Chief Minister chata, District administration nata Council sawhkhâ cha lôraoh kawpa ta hriakhoh awpa ta a bie a tapã hra ei.

He meeting-liana heta Aizawl DC nata Lawngtlai DC avaw châ hapa Dr. A. Muthamma chata Autonomous District Council-zy siezie palâsa ta. He khai tawhna heta ADC vyuhtuapazy ta ama sôhthih duasu ama palâsa.

Kôthiehpa 2018-19 châta budget ryraona ama taopazy nata kô hmâ haipa liata sóh ama hmâ haipazy ama mo chanei hra.

Ti pathaihpa do awpa, pathaihna, dôhlatha nata asiepahliena lâthlóh lâchhâh liata hmahsiena ama hneipazy nahthlie khona hneipa châ ta. He hleikhôna heta hri-iapathaihna kyh liata rairuna nano nanopazy chhao nahthliepa a châ hra.

He meeting-liana heta Siaha nata Lawngtlai DC zy ta biereina ama hnei hra.

Atanoh meeting liana heta PWD, PHE, P&E, Planning & Programme Implementation, Finance department, Border Roads Organisation hyutuhpazy hleikhôta Accountant General, Aizawl, Lawngtlai nata Siaha DC zy a hlao ei ta. Mylâ khita education, skill development, internet connectivity nata border security chôchâh meeting hnei pazaopa a châ aw.