CHA RIMÂ BAO CHA LY !!

Zâhnia, January 26. 2018 liana khata, Myanmar râh 'Mandalay, Michian Khayeng Tawng Myo' liata khihsapa 'Ku Tin U' cha China paw pakha ta Thohna (Hruna Thona) hmâpa ta, âtheihlôlei chhôhta a Tihmô (A chapaw châna) a â/ tai pa thlâ ha bao.

'Ku Tin U' he China râh lâ Watermelon ("Tichakua thei" tlâ eivaw tah sy) chalei tyh ta, Mandalay nata Khih hnia viapazy liata a zuah tyhpa chyhsa a châ. He A Tihmô taipatuhpa he China pa châtaraw ta, châhrasala Mandalay liata khihsapa châ ta, Burmese reih zy chhao thai ngâsâ ta, 'Ku Tin U' nata chhao Viasapha kawpa ama châpa ta ama reih.

'Ku Tin U' he avaw thei ta, a Tihmô vaw y khao leipa ta, apasa tah tu ha ta, thata a sâh-awh! Cha nahta a kiapâh liata ypa chyhsazy ta pahno ei ta Thohna O (Hospital) lâ thlai amâ râ khei. Dawhtyzy chhao vaw pachâ peimawh kaw ei ta, anodeikua pachha thei awpa hnabeiseih vei ei.

Police ta ama patu nopa

CHINA paw he Police zyta thlai patu ha ei ta, a Sahria (Bag) chhôh cha hrao (Check) ei ta, 'Ku Tin U' Tihmô cha aphapa ta vaw khô/ paso thlâ hapa cha ama hmô.

Chyhsa Tihmô (Chapaw châna) he CHINA râh liata a so kawpa hawhta reih ei ta, chavâta Chapaw na châta cha asohsi thai kaw ta, avaih kaw awpa a byu cha zaw!!

Biehnawh: Myanmar News