EI MOTHLIH A TLA DAIHMÂ CHUH : SIAHA LIATA PAW PAKHA TA A SAWCHANÔ HAWSAIHPA MOHÔHNA AWPA CHÂTA SÔH A NGIAHPA A HNEI LEIPA VÂTA HMO A PARU NOPA PATUTUHPAZY TA TLAO AMA BAO

He hmo he Siaha khihpi lia cheingei ta a tlôpa châ ta. Palôh hria ta, pachâna a pasihsa ngaita kaw.

Kôthiehpa alypa ta Siaha liata awnano nano nanopazy zâ chareipakhyna ama hnei lichih, zâhnia zâ (1st Nawg 2018) khata paw pakha chata Siaha liata Puhpa Sangtlunga, Ex- MDC piahpa, Puhpa Thara nah O chhôh lia a ngiapa ta, hmo a paru ngâ nota pachhai ei ta, ama patu. He chyhsa heta Phone Charger ngâlâh a la hmâ.

He chyhsa he patupa a châ tawhna he bie hiahrihpasiapa châ ta, â phuahna liata, a saw hawsaihpa, thla 7 ta uhtheipa, pati phapa a nie leipa  (mal-nutrition) vâta tlâh leipa, 4 Kg deita â hripa cha District Hospital, Lawngtlai-liata Admit-pa châ ta. Lawngtlai Thohna-O tawhna heta Siaha Thohna-O lâ hawsaihpa he refer-pa châ ta, a mohôhna awpa sôh ama hnei leipa vâta nata a taona awpa hropa a pahno khao leipa vâta hmo a paru thláh hapa a chânazie a reih.

A duasu dopa pahno khohpa ta a patutuhpa Model Youth Association (MYA) chhihthatuhpazy ta thohna-O lâ ano achhipa ta kei mohpasia ei ta, a reipa he avaw do tlai ta, MYA chhihthatuhpazy heta tlao deichhy n'awpa dâh ama pachâ hapa a châ.

Âmo he Lawngtlai Dist notla lâ, Tuidangchhuah khihpa ama châ.

- CYLA WhatsApp Group