JAIPUR-LIATA SPA MIAKHA, CHANÔ AZUANA SU TA REIPA POLICE ZY TA AMA MOHPASIANA LIATA CHYHSA 9 PATUPA CHÂ EI TA, MAWRÁH CHYHSA 2 AMÃ HLAO HRA

11th January zâlâ khata Jaipur, Rajasthan liata Sunshine Spa cha Police zy ta â ngiahnaopa ta chyhsa 8, chanô 4 nata chapaw 4 hleikhôta a hneituhpa pakha, ama zydua ta 9 ama patu. He chyhsa ama patupa hryta chapaw 1 nata chanô pakhazy cha Mawrâh chyhsa ama châpa hawhta biehnawh ta a palâsa.

Ashok Nagar Thana, Jaipur liata he chyhsa ama patupazy he soh ei ta. Police zy heta Sunshine Spa he chanô azuana su tahpa ta Report ama daopa vâta police pakha cha customer hawhta ypa ta â ngia ta. Dawh kha chhôh Rs. 2000 pie awpa ta a kei daoh ta. Amâ daoh nona heta police hropazy cha ngiana kaw piepa ta, amâ zã ngiapâ ha hra. Room nano nanopa pahypa ta a ngia laih ei ta, chyhsa 9 ama patu hapa a chã. 

He Spa he Veenu John, Kerala chyhsa eih châ ta. Ano he kô 3 chhôh chanô azuana su taona kyh liata vaw y hapa a châ. Sunshine Spa deikua he 2012 tawhta a paduapa a châ.

(As posted by Vanneihthanga Vanchhawng @ Special Report)