BILL GATES TA NIGERIA LEIBÂH $76 MILLION THÔPA AW!

26th Jan. : Khizaw chyhsa hneirôhpa hryta a hneina sóh váro tlai mohropazy baona châta vaw hmâh tyhtuhpa Bill Gates chata Nigeria râh leibâh dollar million 76 cha a foundation, 'The Bill & Melinda Gates Foundation' moh ta thôpa awpa a paryhsa. 

Nigeria leibâh he kô 20 chhôhta thô khai awpa tahpa châ ta, atakô tawhta ama thôpa pathao aw.

Kô 2014 khata Nigeria heta Japan hnohta Sypa pasana pahlei awpa ta sôh angiahpa vaw patha ta, he sôh hmâpa heta ama râh liata sypa pasana 80% pahleina rai siekhei ta, ama hlaotloh kawpa vâta zâkô khata sypa pasana a hneipa hmô baichhipa y leipa ei ta, kô 2012 tawhta khizaw liata sypa pasana a hneipa zydua tawhta zakha liata sypangawh (50%) tlai cha Nigeria liatapa châ ei ta, ama sôh pathapa he ama hmâh phahnai kaw.

Gates heta a blog liata a post-na dâh ta kô 30 a khô hapa liana khata khizaw pôhpalôpa liata sypa pasana a hneipa he 350,000 ama tloh tahpa palâsa ta, zâkô khata he he chyhsa 21 deita ama châ bâ, a ta.