INDIA NATA MYANMAR RÂH RINA LIATA MADC FOREST CHECK GATE

India nata Myanmar râh rina, Mararâh notla bia lâ liata Lôpu khih tawhta km 6 rachhóh, Myanmar râh Ralie khih tlô chy, Salyu chavah kiah liata MADC Forest Check Gate cha Puhpa F.Lawmkima, EM (Forest), Puhpa K.Chhuabei, EM (PWD), Puhpa K.Hrahmô, EM (Edu), Puhpa Tiahlei Syuhlô, Chairman, (Town Committee) MADC, Puhpa Thaly T.Azyu, (DCF, Forest & Environment Deptt. MADC) zy hleikhôta MADC F&E Deptt. liata hriatuhpazy nahta tly thei chho pi ta, vâhnei â chhih kaw. He râhrina liata Forest Check gate liana heta Myanmar tawhta India râh lâta vaw siepahliepazy mohpasiana nata India râh daih lâ tawhta Myanmar lâta ahluahtheipa nata hmo phaoh pangiapazy tawhta chhie la tyhpa a châ. Forest Check Gate pha viapa, lai viapa nata riebu châ taihta hmâ thei awpa padua awpa ta hmahlapa a châ aw, tahpa EM (Forest) chata a reih. He su he, hmialâ daihti liata cha sóhdaohna su peimawhpa nata notla bia châta sôh pahaona su a kaw châ thei awpa a chã.