Kô 2017 chhôhta Mawrâh liata Thohna hmâchheipa vâta chyhsa 65 ta hrona ama pahlei

Aizawl, Jan 12 (PTI) Mizoram State Excise and Narcotics Department ta a palâsana dâh liata zâkô 2017 chhôh khata paritheipa thohna hmâchheipa (Drug abused) vâta chyhsa 65 ta hrona pahleipa ta, he hrona pahleipa hryta 12 he chanô ama châ.

Paritheipa thohna vâta chyhsa 65 a thipa hry liana heta, chyhsa 28 zy he heroin overdose vâta ama thi tahpa palâsapa a châ hra. Excise and Narcotics department ta ama reina dâh liata cha kô 2017 chhôh khata Heroine Kg 6.035, Meth hmô 13,400 nata Pseudoephedrine hmô 1,59,471 ama patu.

He hleikhôna heta Ganja (Marijuana) Kg 392 patupa ta, Marijuana kô 4,127 ama parao hra. He hawhta a châ nona heta kô 2018 Nawh liata thohna vâta chyhsa pakha a thi, tahpa ama palâsa hra. Mawrâh liata thohna vâta chyhsa thi hluh chaina kô 2004 châpa ta, chyhsa 143 ama vaw thi tahpa ama palâsa hra.

Excise and Narcotics Department ta ama palâsana dâh ta kô 1984 tawhta atanoh taihta Mawrâh chyhsa 1,468 zy cha thohna vâta ama vaw thi ha.