Siaha liata Pradhan Mantri Sahaj Bilji Har Ghar Yojana/ Saubhagya Scheme palâhâh
Zâhnia my dawh 8:00 khata Mawrâh chhôh liata District capital raohpa ta Power & Electricity Office, Siaha tlyhmia liata Siaha biatuhpa MLA Dr.K.Beichhua chata Pradhan Mantri Sahaj Bilji Har Ghar Yojana/ Saubhagya Scheme a palâhâh.
India sawhkhâ ta chhôh tota dôhlatha (Electric) eima hnei thei n’awpa ta Pradhan Mantri Sahaj Bijki Har Ghar Yojana tlaw thysâh (Crore) Rs.16320 hryuhna awpa project cha India PM chata zâkô Thlarâh noh 25 khata avaw pahy ha.
He project tawhna heta thotlâh chyhsa thysy (Lakh) 400 zy chata khaihna ama vaw hnei thei ha aw. He rai peimawh kawpa he atakô 2018, Di thlâpâ chhâ hlâna cheingei ta patlô awpa ta tahpa a châ.
Saubhagya hmo achhuahpazy :
1) Chhôh to hnohta Electric connection a naosia viapa ta pahneisa awpa
2) Chhôhkha khihsa rairu viapazy a saipa ta Electric connection pie awpa
3) Asiepahliena phapa a hnei leipa khihzy hnohta noh tha (Solar Photo Voltaic) hmâpa ta khaihna pie awpa
No comments