SÔH KYH LIATA ADONA HRO KHEI AWPA HLÂTA CHÔPHO LÂTA NGIAPÂTUHPA HAWHTA ÂLÂPA VAW NAO VIA THLAH HA KHIAH MY?

By - Rev Dr Laiu Fachhai

1. Avyuh lei awpa hlâta ku chabai ta lâ awpa nao via thlah ha khiah my?

2. Utilization Certificate (UC) phichhyhpa tao lei awpa hlâta aluahna ahmôpazy reipa hawhta a hlua laih awpa nao via thlah ha khiah my?

3. Vyuhpa ta sawhkhâ rai pahriasa lei awpa hlâta kâhvi lei ta thlahchhâ nao via thlah ha khiah my?

4. Job Card hria leipa cha hria mâ la leipa ta y awpa hlâta mydi thlahchhâ a hlao nao via thlah ha khiah my?

5. NLUP sôh â dopa ta hmâ awpa hlâta missionary sponsor awpa nao via thlah ha khiah my?

6. Ngâchhihpa ta sawhkhâ rai tiama kawpa ta hria awpa hlâta pakhypi nata awnanopa program-zy a hlao nao via thlah ha khiah my?

7. Ohmo lyuhmo (râh) kyh liata karâ y leipa ta, opa lyuhri râhzy chaka laih leipa ta y awpa hlâta awnanopa tlâh-rai hria nao via thlah ha khiah my?

8. Leihbâh a daihti tata thô awpa hlâta awnanopa siepapuana liata a hlao nao via thlah ha khiah my?

9. Sôh a chado thai kawpa ta, a byuh tu leipa liata hmâ lei awpa hlâta, hlapy member châ nao via thlah ha khiah my?

10. Sôh tlaichhai lei awpa hlâta pastor nata awnanopa chhihtuhpa kaw châ awpa nao via thlah ha khiah my?