'The Cranberries' liata ama hlasatuhpa Dolores O'Riordan a thi

Eima râh liata hla eima hmia pahno kaw hrapa, 'Kiss me', 'Zombie' tahpa nata hla nano nanopa satuhpa Irish Rock Group, The Cranberries' liata ama hlasatuh chaipa chanô Dolores O’Riordan, kô 46 ta uhtheipa châpa ta pasana rei chhielie awpa muarua chhao y leipa ta zâhnia (hriatua noh) khata a thi.

'The Cranberries' Irish group-zy heta pyungiapa nahthlie thadâh achhih kawpa hmâpa ta nata O’Riordan ao anano patlua kawpa hmâpa ta kô 1990 rachhôh khata “Linger” nata “Zombie.”tahpa hla hmâpa ta a kaw lâluah pathao ei ta. Album chhao 40 million tlai ama zuah papua.

O'Riordan he London liata hla record awpa ta sie ta, a thi tahpa biethâh ta avaw pazipâ hapa a châ.

O'Riordan heta ano cheingei ta a reina dãhta cha Bipolar Disorder pasana a hnei a ta. A thina chhãpa deikua palása mâh vei ei.