A lahpinô ta â ziakhei khoh leipa vâta a lahpinô nata a sawchapaw pano a thie

Chhatishgarh liata hmo tlôpa rarô y kawpa liata paw pakha, kô 29-ta uhtheipa ta a lahpinô ta â ziakhei khoh leipa vâta a lahpinô nata a saw panozy a thie ei.

He hmo he kô 2015 liata a tlô hapa kha châ ta, he chyhsa he Chhattisgarh liata district Court sâkha chata thailei pachâsapa ta, hrochhôh lô-O â tâh awpa nata tlaw 1000 cheih awpa ta zâhnia khata a chôchâh liata bietluna a phuah.

Additional District  & Sessions Judge (Katghora) Thomas Ekka chata he lianycheituhpa Gayaram Kaushik he IPC section 302 (murder) ry liata thai lei pachâsapa ta hriena a pie.

He a lahpinô nata a saw pano thietuhpa Kaushik, Dhritara khih, Chhatishgarh liatapa heta a lahpinô Ambika Kaushik (kô 23) nata a sawchapaw pano - Yuvraj (5) nata Lucky (2) –zy he Phiata/October 15, 2015 liana khata a thie, tahpa phuah ta. Policezy heta Kaushik lahpinô nata a sawnah pano ri he ama O hnôhkyh lâta viahchao-ie hry tawhta ama thaohpapua ha hra.

Kaushik heta Police-zy hnohna heta a lahpinô a thiena chhâpa cha a ziakhei awpa âchhuahpa khoh leipa ta, he vâna heta a hiehâh ta, he hawhna heta a lahpinô nata sawchapaw pano chô liata â pie hapa a châ, a ta. Kaushik heta a lahpinô nata a sawchapaw panozy cha Iron rod ta a physao ei, tahpa â phuah hra.