CEM Term kha Châ sala Mara râh 50% tlai hmah a sie aw

- By B.Caleba, N.Colony, Siaha

He bie he reih nata ahy hmahta nazo veih ei, Chahrasala he he Khazohpa baona ta ei tao thei aw.  Ngapatu thai leipa tlyma, patu na dâh pahno leipa cha Nga patu beih vei. A patu khoh leipa vâta châ leipa ta asaomâ/ a mâkiah leipa vâta tlao a châ. Eima Council liata CEM a vaw châ ha chiehpazy ta Marapa râh hmahsie nawpa ta a peimawh chaipa ama pahno leipa vâta râh hmahsiena he y thai leipa a châ.

India râh District a ypa hry liata Hnôh a sy chaipa District cha Siaha District he a châ. A chhâpa a châpa ta ei pahnopa cha CEM zy heta India Sawhkhâ pipa tawhta Phusâ a vaw tlôpa nata Athaisopa thokha Works pangiapa ngâlâ he buakhei khiah maw ei tah cha maw. He vâ chhaota a châ ngyu thei hra, MDC zy ama hriaparaohna phatu leina vâta a châ ngyu thei hra.

Council liata Staff zy hlao pie nawpa ngâlâ buakheipa tlyma, Chhôhkha rai hnaoh nawpa ngâlâ buakheina nata Election y heih awpa liata tloh heih thei nawpa saita pachâ thlâh na chô ta cha Council he hmahsiena lâ hlâta , tlapahnaina lâta tlao a ngai lymâ aw. He he Râh a veituh hmeihseih pazy ta cha nama pahno khai khawh. 

Râh kyhpachâ hmeihseih tuhpa ta cha râh hmahsie nawpa dâh liahsa a pahno pasia cheingei awpa hawhta pachâpa a châ. Party Menifesto dei châ leipa ta Personal/Self Menifesto chhao a hnei awpa chá ta, cha a Menifesto cha Ataotheituhpa duasu liata a duah pataw nahta a tao pazao awpa a châ. 

MDC Candidate awpa ta Nomination a file hlâta râh chhitha nawpa zie, Hmiasai (Vision) a hneitua cheingei awpa a châ. He he tahmâ ta CEM nata Ahrialâhpazy châna dopa ei reina châ leipa ta, eima râh siezie Vote ei hnei rakha tawhta a chu pata, ei pachâ papua pa nata ei hmôna dâh tlao a châ.

Mara râh he sipasa hmeihseih ta, adyhchhie hmeiseih tlai na. Council eima hneina tawhta thliepa ta cha Khito lathlôh phapa a tlô khai awpa hawhta pachâpa châ ta, châhrasala tahmã taihta tlô paki mâh vei.

Siaha khih, Mara râh khihpi chhao, tahmâ taihta a hmasiena he thliepa châhasala, 20% chhao hmahsie mâh vei. Tahmâ ta CEM nata ahrialâhpazy tiama papua pata ama hria lymâ awpa he a peimawh kaw bâ.

Ahy CEM daihti liata ma eima râh he hmasie chaita, ahy CEM no ma hnôh asy chai tahpa cha zawpi ta tlao thlie/pathliah bâ hra suh u.

kEI, CEM cháhasala cha, Mara râh he 20% tawhta 50%  taih hmasiena ei tlôkhei thei nata ei pangiasa. Châhrasala Mara pazy eima vâdua ei tah tlyma, kei ei vâduapa vâta ma châ sualua vâ tly.  Khati no hmahta CEM châ tlôh leipa aw na ta, a hlao chhao tloh hraw vei hih..

Cha Dyhchhiepa saw ta ei vaw pihpa a pei rimâ chala.. Ei hmiasai zy he apply awpa na byuh kawpa tlai.