Mara Cha-ypi rônah chaipa ‘LYUVA KHUTLA 2018’ lia eimâ hmô sy!!

Târi 9, Pamih 2018 liata Marasaw châta cha-ypi rônah chaipa, ‘LYUVA KHUTLA’ â hmâh awpa ta Mararâh cha âchhuahnoh pathao haw! Art & Culture Department, MADC, Siaha ry liata Lyuva Khutla 2018 Organising Board-zy chata thapi phiapa ta kô 2018 Lyuva Khutla cha a rônah thei chaina hawhta hmâpa a châ thei n’awpa ta a môzia leipa ta chhôh nata zâ raisâh ama sa lymâ ha heih.

Chhivaw nata Khydi atlyhna y heih aw ta. Kô hrota ama vaw tao beih leipa, hawtipa (Chanô nata chapaw)-zy châta Mara atobina ahmie chaipa atlyhna, ‘Little Queen nata Little King’ atlyhna chhao taopa a châ hra aw….

Mararâh liata hlasathaipa, athai chaipazy nata zawpi ta ama pahno chaipazy ta Lyuva Khutla 2018 Cha-ypi cha palôhpahawh heih aw ei ta; kôhropa zydua hlâta atakô Lyuva Khutla â hmâna cha a rônah chai aw!

Kô 2018 Lyuva Khutla Cha-ypi châta HLAPIPA chhao liahsa phi khai hapa châ ta. Hlapipa azipa ta Siaha Tlyliah liata Mara khydi nata dinô, machâ hawti a lai a chyhzy ta Mararâh châta amâ ngiana zydua palâhâhpa ta cha-ypi rônahpa amâ hmâh heih aw…

Marapa châ chi ta, Mara kawpa ta Cha-ypi nâ ly khoh khiahta la, atakô la Mara Dress na hnei pha chaipa puakhei la, Mara reih tlaita LYUVA KHUTLA CHA-YPI 2018 liata eimâ hmô sy!!