Chanô hropa â môkhei tyhpa ta a pahnopa vâta chanô pakha ta ama paw khâtaleinô taipa ta Ie-O khaoh liata a thy

Jalandhar, Punjab, India liata nô pakha chata, ama paw ‘khâtaleinô’ taipa ta ie-O liata a pazaw. He hawhta ama paw ‘khâtaleinô’ a taina chhâpa he ama paw heta chanô hropa â môkhei tyhpa hawhta a pahnopa vâta a châ.

He chapaw, a ‘Khataleinô’ ama taipa he Azad Singh châ ta, a hmah phaohpa vâna heta a hrona taihta pahlei thei awpa duasu liata a duah haipa ta, thohna-O liata mohôh haipa a châ.

Ama paw ‘khâtaleinô’ taipatuhpa he Sukhwant Kaur châ ta, zâhnia zâ khata ama paw â mô chhôhta a khâtaleinô he a taipa hapa a châ, tahpa Jalandhar Assistant Commissioner of Police, Satinder Kumar, chata reih ta, he he ama paw ta chanô hropa â môkhei tyhpa hawhta a pangiasapa vâta taopa a chânazie a reih hra.

ACP chata, "A lahpinô heta ama paw he â mô nona heta thua ta phy ha tua ta, â theihlô khao leipa ta, he khai tawhna heta a khâtaleinô he chaizô ta taipa ta, ie-O khaoh liata a pathla hapa a châ,” a ta.

Azad Singh he athata a thi a phihpa vâta thohna-O lâ ngaikhei parapa châ ta. A lahpinô he biebuapa pa-aopa a châpâ ha hra. Henah nôvah heta saw pano ama hnei hai. 

- PTI