Saisopa TV Series ‘The Big Bang Theory’ liata Bill Gates eima hmô aw

Saisopa, Comedy Series alâluah kawpa, "The Big Bang Theory" liata Microsoft Co-founder, hneirô patluapa Bill Gates â châ hra aw.

He comedy series taotuhpazy heta Microsoft founder Bill Gates cha ano hawhta ta â lâ awpa ta adaohpa ta, Bill Gates â lâna he Episode heihpa liata papuapa a châ aw, tahpa CBS and Warner Bros chata ama reih.

He Episode liana heta Big Bang liata a châtuhnô Penny (Kaley Cuoco) O liata Bill Gates vaw charei aw ta, amâ pakyhna pahneichhi achhih kawpa palâsapa a châ aw. He episode he thla heihpa Pamih/March thla chhâna lâchhâhta papuapa a châ aw.

"The Big Bang Theory" liata â lâ awpa heta a Film a châtuhpazy ta ama pasô kawpa - science, tech, engineering nata math-zy liata alâluah kawpa chyhsazy hruapa châ tyh ei ta. Ama vaw hrua hapazy cha Buzz Aldrin, Stephen Hawking, Telsa founder Elon Musk nata Apple company tawhta Steve Wozniak-zy ama châ.