Mara thyutlia JET AIRWAYS liata CABIN CREW rai a hiah khohpazy châta daihti ryhpaohpa

Mizoram Youth Commission (MYC) nata Jet Airways zy ta hriaparaohna ama vaw hnei tyhpa hawhta târi 27 Pamih/March, 2018 heta Aizâwl liata Jet Airways-liata hria awpa Cabin Crew lapa a châ heih aw; he rai châta Mawrâh thyutliazy achhuahnoha/pachhuahpanoh chhieliena (Grooming/Pre-Recruitment Training) Language and Aviation Training cha Mizoram Youth Commission chata ama Office-liata ama Training Hall-liata târi 26.2.2018 tawhta 26.3.2018 taihta, thla kha chhôh a ô awpa ama pachhuahpanoh heih aw tahpa Puhpa Joseph Lalhimpuia, Chairman, Mizoram Youth Commission chata a rei.

Mizoram Youth Commission heta khachâ rakha tawhna khata Jet Airways nata Spicejet zy nahta hriaparaohpa ta Mawrâh thyutliapazy châta Cabin Crew nata Ground Staff lana vaw hnei tyh ei ta; he châta Mizoram Youth Commission ta avaw buakhei hapa sahlao, he rai châta ama la hapa zie chhao kô 2014 - 2017 chhôh khata Cabin Crew chyhsa 30 nata Ground Staff chyhsa 4 – ama zydua ta 34 ama vaw la hapa a châ.

Jet Airways-liata hria awpa Cabin Crew lana châta MYC Spoken and Aviation Training khohpa châta Eligibility Criteria nata pahno awpa peimawhpazy :-

1. Age : Kô 18-27 likah.

2. Height : Chapaw 5'7" nata chanô 5'2" hlâta â hnai via leipa.

3. Weight :  Doh sâhna lâ nata â hmiepa.

4. Physical features, etc. : Pilâ phapa, hmia hmô thadâh achhihpa, hmia pabyuh leipa nata mih phapa, hmia liata hmiathia hniehnôh nata hmadaw y leipa, tattoo hnei leipa, mo phapa, chyhsa bie achhochhâ thai kawpa nata aly-ua thai kawpa.

5. Educational qualification : HSSLC tawhta a chô lâ pass (Kô 2018-liata HSSLC exam awpa nata Result hâpazy châta hia theipa a châ hra)

6. Marital Status : Lahpi/vahpa a hnei mâh leipa.

7. Nationality : Indian

8. Passport size nohthlahpa : 2 copies.

9. MYC-liata Training fee : Free

10. Registration hiana liata Document chathih awpazy : MYC Office, AIS Transit Accommodation Building (2nd & 3rd Floor), New Secretariat Complex, Near MPSC Building, Aizawl-liata hiana form taochiehpa pabiepa ta registration/admission tao pâ theipa châ ta; Class X nata Class XII Certificate xerox copy attest chiehpa nata Passport size nohthlahpa copy 2 pangia awpa a châ.

11. Registration tao theina daihti : Târi 21-24 Hmypi/February, 2018