Chanôzy/Lahpinôzy Pahno Awpa Peimawhpa

1. Chanô hropazy nahta namâ zaoh ngâthlâh ha tahpa pahno la, na vahpa kiah liata diathlâ kawpa hawhta â palâsa beih khâ.

2. Na vahpazy a hrâhnao ngâthlâh ha leipa la, vahpazy chi za thai leipazy he rônah kaw hlei vei ei.

3. Na vahpa ta a chhôhkhanah a chhaih thei leipa ta, a lahpinô deikua a chhaih theipa a châ. Chavâta na vahpa chhôhkhazy kyhchhie rei a paoh leipa la, a pakyh thai awpa tlao a chhuah ma y.

4. Na vahpa cha khâ pasyu hnolo tyh la, seisiapa hlâta reithaipa heta taopathina rai hria a nao via.

5. Ama vahpazy kyhchhie rei thaipa cha anosasyh hno â hypa châ ta, mohropa kiah liata la na vahpa cha reithai tyh ma y.

6. Atobina lâchhâh khoh tu leipa la, â ngiana rakha ta a pathaih kawpa ta atobi tyh ma y.

7. Na vahpa cha na tlaichhai tahpa palâsa ngâthlâh ha tyh la, raihriana lâ a pua awpa chyta pathlie la, vâ hmi kawpa ta a pua awpa chy maihta pathlie la, he hawhta na tao lymâ khiahta la na vahpa chata zâlâ dawh 3 a pario n’awpa a ngiahtiah tyh aw vei.

8. Na vahpa âvaw di tita na hmotao hria ngâpa siesaipa ta chyh-eih la, thlai khâsia tyh ma y. O avaw di awpa a ngiahtiah aw vei.

9. Na vahpa cha na seisia ngâthlâh ha khiahta la na kiah liata y awpa ngiaroh via lymâ aw ta, chavâta ta reithai tyh ma y.

10. chapaw alyna nata thaphana he hmo chyhnawh kawpa châ ta, reikah phapa papua awpa rai i kha y. Mohropazy ama y nota cheihchalo tyh la, cha cha chanô sopa taozie a châ. A viasanah kiah liata â patheisa via hra aw ta, a chhôhkhanah kiah liata za na pachhihsa aw.

11. Na vahpa cha kyh na pachâ tahpa chho ngâthlâh ha tyh la, my a thyu patawnah ta khokheina hlâ la ‘My pha’ tahpazy hawhpa tlyma, ‘Eim’paw zâhnia nâ mô thei ma?’ tahpa hawhpazy ta tlyma.

12. Na vahpa nata sawnahzy châta thlahchhâ diathlâ beih kha y.

13. Niebaw taotiadâh achu la, vahpazy âhmie sipa awpa my beih khâ. Â thei chhochhi khiahta cha dawrâh sâkha â hlypa he atlaichhaina papôhsatuhpa châ ta, tao tyh awpa a châ. Âhmie tlyma tihâh tlyma, â paniesapa nata â pahraosapa he hmo phapa nata kyhpachâna papôhsatuhpa a châ. Dao awpa na khoh khiahta la na vahpa kha dao ha tua tyh ma y.