Hollywood : Jennifer Aniston ‘Laiheihnô’ a châ ha heih

Hollywood khizaw liata la he thâtih he mychareihta ama thei tyhpa a châ thlâh ha tarawpa ta, thâtih nahcharao kawpa a châ thei ha heih tyh pyly!

Brad Pitt khonô parohpa nata kyhpachâna khizaw liata vâdua thei kawpa, Jennifer Aniston nata a vahpa Justin Theroux-zy chata ama likah pasiapa ta chhaihna lyuhbie ama paryh liahsa ha heih.

Kô 2015 liata â hneipa, henah pano heta ama bietluna he ama theina hawhta nyu rairie awpa ama khoh ka tarawpa ta, chyhsa likah biethâh chathliapa ta a mô zia leipa ta nahpachôhpa, Media khizaw hmiakô liata ama nyu thei pyly lei awpa vâta ama phuahzâh hapa a châ.

“Eima likah liata â pahnothaina pha kawpa hnei rairiepa ta he bietluna he phuah pi ta; viasa pha kawpa eima châ ngâthlâh ha pyly aw” tahpa ta laiheihnô nata laiheihpaw a châ ha awpa Jennifer Aniston nata Justin Theroux-zy heta ama likah bietluna he ama phuahzâh lâlap hapa a châ.