AAMSU ta Mawrâh nata Assam râh-ri buana pathlâpazipa a châ lei khiahta la Assam tawhta Mawrãh lâta niebaw phaona lâthlôh pakhâ awpa taihta hmahla achhuah

Assam-Mizoram ráhri rachhôh liata a pahrâpa thotlâh khihsawzy chata ama khih ama puasai.

Biehnawh ta a palâsana dâhta, 200 chyhsa rachhôhta râhri puasaipa ta, Hailakandi chho lâta yhmo ama paryh ha.

Hailakandi district liata All Assam Minority Students' Union (AAMSU) chata râhri buana a y heih khiahta la Mawrâh lâta Niebaw phaoh pangiana lâthlôh ama pakhã aw ama ta.

Hailakandi District AAMSU President Fakrul Islam Laskar chata, Assam ráh inches sâkha chhao Mawrâh ta ama lapa awpa pasaih aw vei ei, tahpa ta, he ama bietluna he Assam chief minister Sarbananda Sonowal chhao ama pahnosa ha hra, a ta.

Laskar  chata, râhri buana pathlâpazipa a châ lei khiahta la, Assam tawhta Mawráh lâta niebaw phaoh pangia tyhpa zydua ama pakhâ aw, tahpa ta, râhri kyh liata aryhna cha ama kho chaipa châ ta, CM Sonowal chhao ráhri liata pahrâpazy abohna pachâ awpa ta ama pahnosa ha, a ta.

AAMSU manôhzy chata, râhri buana váta Mawrâh liata non-Mizo zy sôhpaliena patypamâpa a châ, ama ta.

Hailakandi unit, Krishak Mukti Sangram Samiti (KMSS) chhaota Mawrâh nata Assam asiepahliena NH154, râhri liata Police Check gate tao awpa ta amâ hnaw hra.

Source: telegraphindia.com