CEM MADC Puhpa N.Zakhai sawchanô ta Mara Dress tlaita vahpa hnei

SIAHA, 22 March, 2018, Pakhynoh(MNN) – Zâhnia dawh 12:30 PM liata eima MADC CEM Puhpa N. Zakhai sawchanônô Angela Nôtlia cha ECM New Colony Achhyna O liata Beihmopie Bôhia (Eibei) nahta ku chachâh lâ raihrie apatupa ta Khazohpa nata Awnano sahlaozy hmiakhô liata Hrochhôh kaolâh awpa ta biatuhpa Rev. B. Beilua ta bietaina pahneisa ei ta, nôvah châta phuahna a hnei haw ei.

Myuh Angela Nôtlia ta Mara Dress pakipa ta âtobipa cha zawpi palôh pahnie ngaita ta, â hmie chhao ama tah kaw sai tahpa bie daopa a châ. Ahneina Ceremony daihti ziehpa khô lâ liata Photo session liata Western Wedding Dress âtaopa cha â hmie kaw hra.

A vahpa Eibei he Puhpa B. Lalsiama, New Colony, Siaha pa a châ.

Angela he ta narô pa 2 nata rilâhpa pa 1 hnei ta, ano he a liahpa a châ.

He Ahneina ahlao awpa ta Awnano zawpi avaw puapakhypa zydua cha Ahneina kyhchhi liata hruapâ khaipa châ ei ta, chanô lâ nata chapaw lâ apakaohpa ta CEM Quarters tlyhmia liata kyhchhina taopa a châ. Ahnei alykheina châta kyhchhi pati adôhpa he ama hluh kawpa ta pahnopa a châ.