China President Xi Jinping cha a hrochhôhta President a châ bâ aw
He dâh thiehpa he
atanohta Beijing khihpi liata National People's Congress atyuhpahmaohna liata
su 3 pachhaih ta su 2-zy ta lôhraoh kawpa ta amâ pyh. Ryureipa manôh 2,964 hryta
chyhsa pano ngâlâh ta khoh vei ei.
He dâhthiehpa he manôh 7
yna, Communist Party of China liata biehneituhpa â sâh chaipa Standing
Committee – ta lôhraoh kawpa ta avaw pyh ha ei ta. Kô 20 chhôh cha mopakha ta
ryureina (Dictatorship) a y pathlei lei n’awpa ta President daihti he ama vaw
bitai tyhpa a châ.
Kô 64-ta uhtheipa Xi
Jinping heta a term 2-na hmâh hai ta, a daihti he kô 2023 liata chhâ ha bâ awpa
a châ. Term kha he kô 5 châ ta, term 2 chhôh atlyh theipa a châ. Dâhthiehpa
hawhta cha a thi hlâhlei President a châ ha bâ aw.
