I NGÂCHHIHPA : A PUHPA THI HA HRASALA NOHCHAREIH A HMI HMÔ A HNABEISEIHPA TA THOHNA-O LIATA A HÂ TYH!
"Hachiko" na eina vaw patheisa kaw!
Sao Paolao, Brazil liata I sâkha cha, a puhpa, thohna O liata a thi hapa hmô awpa a hnabeiseihpa ta a nohchareih ta Thohna-O ngaipa ta, a puhpa a hã tyh. A puhpa he thla palih a sie hapa liata a thi ha, tahpa he I heta pahnothai tlô vâ!
He I hneituhpa he kô 59-ta uhtheipa, O nata lyu hnei leipa châ ta. Vâduachhih kawpa ta khihliah liata apabuana liata hmah phaohpa ta, thohna-O ngaikheipa a châ tawhta a thi hapa a châ, tahpa ta Daily Mail chata a roh.
Hmahphaohpa ta Ambulance ta thohna-O ama ngaikhei nona heta a I heta zi lymâ ta, thohna-O taihta pazipa ta, thohna-O ochhi thaby liata a puhpa he avaw hâ thlâh haw.
A puhpa cha kaw pua thei khao leipa ta, I deikua chata hnabeiseihna chôta khâ a mokhâh ngâthlâh ha.
Chyhsa hluhpi he I he a la achhuah tyh ei ta, anodeikua ama O ama tlôkhei tawhta chhao a Puhpa ama sona Thohna-O pyly he avaw ngai ha heih tyh.
Thohna-O biehneituhpazy chhaota hmo yzie thlai pahnothaipa ta, a puhpa a mokhâna tawhtapa cha tophi thei aw vei ei, tahpa ama pahnothai hra ha tawh tly cha, cha su liata thlalóh kawpa ta a y thei n'awpa cha tlao ama pachâkhei ha bâ.
He I thátih he Internet liata avaw hiezawh lymâpa ta, chyhsa hluhpi palôh a pahnie ngaita kaw.
Thohna-O liata hriatuhpazy ta chhao ngiachhie kaw ei ta, â byuna awpa poh nata a nie awpazy ama pie tyh.
 byuna su, thohna-O ochhi thaby cha thyusa chyh kaw ta; niedo awpa tluapa ta su hro lâ a vaw chhôh tahpa dei leipa cha a puhpa, vaw kua thai khao lei awpa mokhâhpa ta daihti a hmâh thlâh ha bâ.
He I chôchâh rohtuhpa chanô pakha chata, "A puhpa a hâ tyhpa cha hmô beih khao aw vei, châhrasala, a puhpa kyh a pachâna chata tlyzaw â daih aw" tahpa ta.
Images - Daily Mail
