Khizaw mokhâhpa Donald Trump nata Kim Jong-un apakyhna
North Korean luhpa Kim Jong-un ta US President Donald Trump nahta
apakyhna hnei awpa ta a paryhsapa chata US sawhkhâ no a pa-âhsa.
US Secretary of State Rex Tillerson chata, he apakyhna hlaopatloh awpa
heta daihti ryu via chy aw ta, atakô Patô thlâpâ liata cha apakyhna he hnei
hmâpa a châ thlâh ha thei, a ta.
US President Trump chata he he hmahsiena rônah kawpa châ ta, yzie a hnei
kaw aw, a ta.
South Korean vyuhtuapazy chhaota he apakyhna vaw y awpa chôchâh liana
heta US President Trump he chhosiena hnei ha ei ta, Kim hnohta Nuclear
pahleipadia n’awpa dâh reikhei awpa ta ama chhosie.
South Korea President Moon Jae-in chata he apakyhna, Kim-Trump apakyhna
awpa he “Hmo no-âhchhihpa” tlaina a châ, tahpa ta "US President Trump nata
Chairman Kim zy he Korea râh nopazy ta adaohna ama hneina hlaotlohna a châpa ta
pahno pi ta, Korean râhhlypi liata Nuclear pahleipahlô awpa ta hmahlana kyh
liata theiphapa a patheisa cheingei aw," a ta.
