HY CHANÔ! Chanô pahnopasia via tua sy..

1. Mara reihta chanô, mongyuh reihta _Woman_ ama tahpa biesâ avaw thaona he khataih tawhta maw? Ama reina dâhta Middle English biesâ ‘woman’, tawhta a vypa châ ta, _‘wife of the man’_, chapaw lahpinô tahna a châ ama ta.

2. Chanôzy heta ama hro chhâkha liana heta atlâhpipa ta hmaosaih/lipstick he kg 2 tawhta 3 taihta nie lymápa hawhta reipatipa ama châ.

3. Chanô nata chapaw viahkao heih-lâ (button) he a yna alyu leipa ta (opposite), he he a chhápa cha kôzabi hluh tu leipa a khô hapa liata, chyhsa asosâhpazy khihsana liata cha, chapawzy cha âmo ta chysia â tao tyh ei ta, chanôzy deikua ama ypápa (servant) zy ta chysia ama paky tyh. Ama ypâpazy heta chanô heih-lâ cha hrai a nao via n'awpa ta chapaw heih-lâ y leina lâ tawhta ama vaw tao tyh.

4. Chanôzy heta second 15 chhá a py (hug)-tuhpazy cha ama ngâ patoh kaw tyh!

5. Chanôzy he kô kha chhôhta ei 30 nata ei 64 rachhôh cha tyh ei ta, chapaw deikua ei 6 tawhta ei 17 ama cha tyh e ama ta.

6. Khizaw liata Computer programmer hmiatua chaipa cha chanô a châ. A moh cha Ada Lovelace!

7. Russia liata cha chapaw hlâta chanô maluh 9 million ta ama hluh via.

8. Khizaw liata chanô hneirô chaipa cha Christy Walton châ ta. A hneina he $41.7 billion, tluta hluhpa hawhta reipatipa chá ta, Wal-Mart (share) liata tovyuh a hnei.

9. English biesá “girl” (chanó hawti) tahpa he athaota liata cha chanô nata chapaw hawti reina cháta hmâh tyhpa châ ta. Kôzabi 16-na rachhóh tawhna khata chanó hawti reina cháta hmá pathaopa a châ.

Hy chanô!