Krizyhpa Missionary zy he India râh apôhkhana châta chi amâ chhih - BJP MP
Ballia, Uttar Pradesh: Christian missionary zy he India râh apôhkhana paraotuhpa ama châ, tahpa BJP MP Bharat Singh chata Congress cha Missionary chhihthana ry liata a siepa a châ, a tah hra.
Bharat Singh chata, "Congress he Krizyhpa missionary zy biehneina ry liata y ta. Sonia Gandhi, Congress president Rahul Gandhi nô he Missionary zy chhosiena hawhta raihriapa a châ. He missionary zy he India râh apôhkhana châta chichhihpa ama châ" tahpa ta zâkhahnia liata thâtihbu chyhsazy ta amâ pakyhna liata a rei.
Singh heta India maw-nochhi liata democracy chhao krizyhpa lâta chyhsa ama palie tyhpa vâta a thachhâ hai, tahpa ta, "India maw-nochhi he krizyhpa missionary zy ta pahnie kaw ei ta. Democracy chhao krizyhpa lâta chyhsa ama palie tyhpa vâta a thachhâ hai. He krizyhpa missionary zy ta ateiparuna ama siekheipa heta India râh apôhkhana a parao hai" a ta.
Ballia, UP tawhta MP atlohpa heta, krizyhpa missionary zy cha atliata Dalit chyhsa, India constitution taona kyh liata moh alâluah chaipa, Dr Bhim Rao Ambedkar nohthlahvipa (statue) paraotuhpazy ama chá, a tah hra.
- NDTV
