Nieparupazy cha ams ku taipa a châ aw!
Pachawh, 23, 2018(MSR): Mexico râh President atlyhna liata, candidates 5 zy chata National TV-liata debate hneipa ta, candidate hryta pakha Jaime Rodriquez, “El Branco” tahpa ta a moh ama bipa chata, “Zawpizy tovyuh nieparupa ta, rukopa tahpa pasiapa ama châ khiahta la ama ku tlá taipa awpa (cut off thieves’ hand)" a ta.
Mexico râh President atlyhna awpa liata “Crime & Corruption” adyuhpa cha ama campaign-na hlapi chaipa châ ta. El Branco biereipa he moderator ta, “Na reih chakhyh ma, a hmeiseihpa ta na tao maw?” tahpa ta hiahrih ta, El Branco heta, “E, ei chhuah hmeiseih, ei chhuah hmeiseih aw. Ahy tlyma zawpi sôh nieparupa, pasiana a y hmeiseih khiahta la a ku taipa awpa ta Mexican dâh taotuhpazy cha dâh ei pataosa aw” a ta.
El Branco he Governor atlyhna liata Independent candidate hawhta kô 2015 khata vaw tloh ha ta, he nona heta “Nieparuna y beih khao aw vei" tahpa cha a campaign hlapipa a châ.
Atahmâ duasu liata cha Left-wing veteran Andres Manuel Lopez Obrador ta zawpi pachâdâh lana liata 38% rachhôh hmô hai ta, Ricardco Anaya ta 18% a hmô hra.
