MADC VC Atlyhna 2018 : VC Candidate pakha châta ahluahtheipa 2

Mara Autonomous District Council (MADC) ry liata Village Council General Election April Noh 17, 2018-liata hnei awpa chôchâh liata election a pha kawpa ta nata a pathaih kawpa ta hneipa a châ thei n’awpa ta State Election Commission chata he hawhna heta pahnosana a papua -

1. Vote pathla nohta Candidate ahyrai, âmo baotuhpa/chakaochahlâtuhpa tlyma election agent zy ta ahluahtheipa kheihawhpa chi rai hmâpa ta vote pathla awpazy phaoh pasaipa châ vei.
2. Returning Officer tawhta pasaina lapa a châ tawhta Candidate pakha châta ahluahtheipa sâno hmâ pasaipa a châ aw.

Candidate nata âmo baotuhpazy ta ahluahtheipa liata dâh pasai leipa, zawpi thlahpazoh theipa (Meithei nata ahropa) ama vaw phaohpa ta a châ khiahta cha District Administration-ta ahluahtheipa cha ama patu (impound) theipa hleikhôta ahluahtheipa, ahluahtheipa liata akiahpa nata he hmo liata candidate ahniahnipazy cha dâh hawhta hrie theipa ama châ aw.