FIFA WORLD CUP 2018 : ARGETINA VS FRANCE - A MO PHA KAW HIH!
World Cup 2018 last 16 cha atazâ tawhna heta akhaih pathaopa châ bâ aw ta, zâ dawh 7:30 heta Kazan Arena liata France nata Argentina zy ta match hmiatua chaipa amâ khaih aw.
He râh nopazy he atahmâhlâ khizaw liata player phapa sahlao yna a châpa vâta ama chô liata hnabeiseihna â sâh kaw ta, châhrasala hnabeiseihna hawhta akhaih pha mãh vei ei.
Atazâ tawh heta cha a tlô lei viapa maih ama tla pã lymâ ha bâ aw. Ama squad mopa ta cha World Cup match a y hapa liata akhaihna mopha chaipa miah pamosa thei awpa sahlao sai châ ei ta. Lionel Messi moh alâluah patlua ta, Argentina captain nahta pakhopâ ngâsâ awpa ta la eima tahpa chhaota France hmiatôhtuhpa Kylian Mbappe nata Antoine Griezmann zy he champion-khei khi la ama châ rai hra. Athaipa rairie, â ngâhpa rairie, chônô viapa châ achhuahpa ta â teikhâ awpazy he kheitalâ tawhta hmahta amâ khaihpa he mo lei pasaih awpa chi châ vei.
World Cup Round of 16 achhihna lâthlôh alyu lei kawpa, France he Group C-liata ypa ta, ama match hmiatuapa liata Australia nata Peru pahnie ei t, match hnôh chaipa liata Denmark nahta goal â pie leipa ta â pahniethaipa ta point sari hmôpa ta group hmiasahtuhpa châ ei ta.
Argentina deikua he Croatia ta 3-0 po ta ama vaw pahniepa vâta tla thei awpa duasu liata avaw duah hmâ ei ta, Nigeria cha vâsâ ta 2-1 ta ama pahniepa vâta Group D-liata 2-na ama chã.
Argentina nata France he ei 11 avaw hmiachhy ha ei ta, South American râh heta record hnei pha viapa ta ei charu pahniena to ei ta. France ta ei no pahniena topa ta, ei thôh amâ pahniethai.
Amâ hmiachhy tua chaina daihti cha kô 1930 kha châpa ta, amâ hmiachhy hnôh chaipa (2007, 2009) khata La Albiceleste-zy ta pahniena to ei ta, amâ khaihna su he Paris nata Marseille a châ.
Lionel Messi hattrick hmâpa ta Argentina-ta Russia pangaina awpa ticket hnei thei ei ta, Barcelona liata a pie pha kawpa Messi goal hmâpa pyly ta World Cup last 16 amâ ngia eima tah thei aw.
World Cup-liata Messi ã pie thei lilâh vei tahpa reipasipasuana y tyh hrasala, Brazil World Cup liana khata 'Best Player' châ thei ta, atahmâ ta ama tlôna rakhapa liana chhao heta Messi raihria he my thei awpa chã vei. Châhrasala, Messi seisiatuhpazy heta sei n'awpa chhâ pha kawpa ama hnei. Argentina forward heta World Cup knock-out stage rakha tawhta minute 666 akhaih ha hrasala, goal khô mâh vei! He raohpa heta he record he France châta deikua pachâ paphasana awpa deikua châ heih leipa ta, Argentine player hryta Les Bleus lâta goal khô thei hnôh chaipa cha Messi (2009) he a chã.
Hmah vâta Sergio Romero-ta Russia ngai thei leipa ta, Chelsea keeper Willy Caballero-ta goal vaih taraw ta, Croatia hmiakô liata â piechhei ha. Jorge Sampaoli-ta Nigeria ama hmiachhy nota Franco Armani ngâ via ha ta, River Plates kaovaihtuhpa heta râh châta â khaih tua chaina liata goal papua hrasala, rai hropa a hria pha tawh tly cha, France a hmiachhy heih na ta pangiasa a chhih ta. Sevilla midfielder Ever Banega-ta atahmâ World Cup-liata a eikhana awpa ta Nigeria ama hmiachhyna liata a eikhana châta â thaona tawhta a khaih ta, midfielder ball thai kawpa heta Messi châta ball pha patluapa a pie thei tahpa palâsa ha ta, atazâ chhao a hmiatlâh bao awpa ta â kaw kuah aw. Akhaihna sypahmaoh awpa ta Javier Mascherano peimawh kaw heih ta, Barcelona player parohpa heta ball a pass thai hleikhôta a chhu thai kaw. He raohpa ta tha nata zãh pazaipa, Paul Pogba nahta amâ chatôh awpa a châpa vâta a tiama kaw awpa â ngiah aw.
Messi kiah liata a râ awpa ta Gonzalo Higuain nata Sergio Aguero â ngia pari ei ta, Juventus striker heta World Cup 2014 nata Copa America final-liata daihti phapa pahlei ha ta, ama râhta nyungiapa ama chalo leina chhãpa a chã. Nigeria nahta amâ khaih nota chhao daihti phapa chhei heih ta. France ama hmiachhy tita â ngia khiahta cha Italian champion Juventus heta striker a châna a palâsa awpa â ngiah aw.
France Coach Didier Deschamps-ta ama rãh a mohôh tawhta match 80-na akhaihkhei aw ta, group stage liata a nawhtazy
