India PM Narendra Modi thie amâ chhuah?
Pune Police zy ta hmo ama hmôpapua nahcharao kawpa liata, sawhkhâ adyuhpa ta râhhmâh liata anyu haipa, Maoist zy ta India PM Narendra Modi thie amâ chhuah, tahpa nata amâ chhuahna hawhta a châ khiahta Rajiv Gandhi hawhta thie amâ chhuah, tahpa ama hmôpapuapa hawhta ama rei.
Atliata liana khata Pune Police zy heta CPI(Maoist) nahta azaopa chyhsa 5 patu ei ta, he chyhsa 5 hry tawhna heta he PM Modi thie achhuahna palâsana hawhta reipa, châpaphaopa he ama hmô hapa a châ.
Châpaphaopa liana heta ‘Rajiv Gandhi hawhna khata achhuahna hnei pi ta. Sasyh thithlupa ta tlyma châ thei ta, eima hlaotloh lei thei.’tahpa â roh hra.
He hawhta a châ nona heta Congress deikua ta cha he châpaphaopa he a nohthlahpa, PM Modi ta a duasu pha khao leipa taopathi a khohpa vâta apalâluahsana hropa cháta a hmâh heihpa a châ, ama ta.
Chyhsa athaiso viapa nata novâh viapazy ta he châpaphaopa he mohpasia ei ta, Congress pachâna he amâ hlykhei kaw sai hra.
