Py 10 Exam liata Full mark 625 liata mark 624 hmô ta a palôhtlâh vei!

Bengaluru: Mohammad Kaif Mulla heta full mark 625 liata mark 624 hmôpa ta, Karnataka state board Class 10 exams liata Topper 2 hryta pakha a chã. Aly kaw awpa a châ nota, â ly vei cha maw!

Khazia? Full mark hmô awpa a hnabeiseih ta, mark 1 ta a hmô leipa vâta a palôhtlâh leipa ta, mark 1 a tao pado leipa mohpathi awpa ta board lâ pangia pathi heih ta;  board lâ tawhta â chhyna zy ama vaw mohpathi tawhta, mark 100/100 hmôpa ta, full mark 625/625 hmôpa ta, topper a châ haw.

Kaif heta Science tah leipa ta subject to liata 100% mark hmô khai ta. Science liata full mark a hmô leipa vâta mohpathi awpa ta a tahpa chhao a châ hra.

St Xavier's High School, Belgaum, Karnataka liata achupa Kaif heta achuhaipa thysy 13 (lakh) chhaopa ta topper duasu he a to.

IAS châ achhuahpa Kaif heta py 11 cha Science stream lapa ta â chu pazao aw.