KAOLÂH TLUA DÂH
~ By. H.B. Samuel
JRTS, Shillong.
Hlazy 127:1. ABEIPA ta o a sa vei khiahtala, a satuhpazy chata ama hriapasa thlâh thli. ABEIPA ta khihpi a vaih vei khiahtala, a vaihtuhpa cha â hra thlâhthli thlâh haw.
BIEHMIAPA: O sa awpa ta pachâna sia kawpa, pachâna â thupa, nata pachâna pasi kawpa eima hmâh awpa he a byuh tyh, chahaw hrah na chata nôvah a taona kyh liata chhao pachâna paso kawpa nata pachâna pathu kawpa zy chhao he eima hmâ awpa a byuh.
Atahmâ chhâ liata athai so penawh zy ta cha ‘chhôkha phapa padua awpa ta cha satlia nata laihsa no tawhta maohphaona (responsiblity) âthao ha na ama tah, cha khia cha hrochhôh a kaolâh awpa, eima kârupa alei hapa eima tluana kyh lia heta Mara satlia nata laihsazy pi he eimâ chado kaw awpa nata eimâ sohsi kaw awpa he a byuh ngaita.
Satlia nata laihsa châta cha kaolâh tluah dâh he peimawh ngâsâ ta, he ary liata pa eima vaw palâsapazy he *pahno awpa byuh* ta, pa khâ tata eima reih awpa châ sa la.
1. ZÂKHANO EIMA MANÔH NATA MAHPAW DAIHTI NOTA MARA SATLIA NATA LAIHSA KAOLÂH Â TLUA DÂH:
Tiamana kyh liata zy, hrozie nôchâ liata zy, veiseihpalôhâna kyh liata zy, hri-iah pathai nata pathai lei kyh liata zy, ru ahmâpa/kusihsua hneipa chhôhkha ama châ nata châ lei liata zy, sahma zuapa ta nie a tluapa chhôhkha ama châ nata châ lei liata zy? hropareipa chhôhkha ma? hropachhopa chhôhkha ma ama châ? tahpa kyh liata zy he aru lâta thata amâ vaw chu tyh hrapa a châ.
2. ATAHMÂHLÂ KHIZAW CHYHSAZY KAOLÂH Â TLUA DÂH: Hmi nata sâ pha kawpa, pôrao â tlai kawpa, sôh nata thi liata âtivypa, sawkhâ raihriapa, hlao hneipa cheingei, O nata lyu hnei pha pa, râh hnei hluhpa, âhluatheipa hnei phapa, khizaw pâ kawpa chyhsa he lahpi/vahpa châta awnanopa chyhsazy hlâta pachâ peimawh ama hlao via ha bâ.
He thlie/saih dâh he atahmâ chhâsawzy ta eima lahpi/vahpa tluana kyh liata eima hmâ chaipa chhaichhi cha a châ.
3. KHAZOH CHYHSAZY KAOLÂH Â TLUA DÂH: Chyhsa pihpathi phapa, Khazohpa chakaona kyh liata âmo bao thei awpa, Achhyna-O pathaihpa pahy ta Khazohpa nata zawpi hmiakô liata bietaina hnei thei awpa chyhsa, chyhsa ngâchhihpa, a reisipa, nôchâ phapa, niedo na liata â hlaohli leipa, Khazohpa ta â tly pa-eih pa chyhsa-Theihthaipa (Pastor), thâtihpha chhotuhpa/Kraws Pheisai(Missionary), Awnanopa liata rai a hria penawh (Church Office-workers), Awnanopa liata ku nata phei a châ pha pa, khih nata tlâh, ti nata râh châta ku-phei a châ pa chyhsazy he ngiapâtuhpa phapazy ta ama lahpi/vahpa châta ama tluapa chyhsa zy cha ama châ.
4. BIEHRAI LIATA KHAZOH CHYHSAZY KAOLÂH AMA TLUA DÂH:
Zâkhano Israel saw zy, Abarahâ-Zakaw (the Patriarch) daihti no khata cha lahpi-vahpa amâ tlua dâh liata nô nata pawzy he bie ama hnei pathu ngaita. Nôpaw biephôh ta cha *Nôpawzy he alei liata sawzy châta Khazohpa na ama châ* ama vaw tahpa he â do zie ama za reih pasia kawpa ta a zâ lâ.
Nô nata paw zy chhaota ama maophaona pahnopasia kawna chôta sawna zy châta thapi phia hmeiseihna chôta, sawzy hrochhôh â kaolâh awpa châta ABEIPA â saohiana chôta ama vaw tluapa tyhpa a châ. Kho â chhi ngaita kaw.
Chi hro pho hropa zy nahta a vaw hnei pahlaopa he Israel (the Patriarch) saw zy ta vaw kho veih ei. Ama pahnopasia pa chyhsa, ama chihei cheingei/ama chhôhkha- ama puhpa saw zy he amâ vaw paza tyhpa a châ.
Nô nata pawzy ta ama pahnopasiapa chhôhkha liata laihsana zy he lahpi ta amâ vaw pazah tyhpa a vaw châ. Cha nota ABEIPA a saohia leipa ta lahpi/vahpa â mo khota ta a hneipa zy chhao vâropi reih awpa ama y thlâh hra. Châhrasala cha hawpa chyhsazy cha ama hro liata vâduana ta thata a chadai ta, ama hro liata rairuna zy thata a tlôthlu tyh ei.
ABEIPA â saohia nah chôta lahpi/vahpa a hneipa chyhsa zy deikua cha ABEIPA ta sawnaw liata zy, O nata lyu, sahro liata zy, byhnâ reitiah lei a pie tyh ei tahpa eima Biehrai pathaipa liata eima hmô. Isaka nata Rebekah thâtih pahno khai pita, ABEIPA ta kheita ma a patipatyh tahpa chhao a sia kawpa ta Biehrai liata â roh (Âthaona 24).
Abeipa ta ano achi tuh hmeiseihpazy cha a daihti ta liata ama kaolâh awpa amâ saduthliena hlâta pha viapa a sawna zy a pie tyhpa a vaw châ.
5. A KAOLÂH TLUA NOTA (AHNEI HLÂTA) PAHNO AWPAZY:
A parupa (elope) ta nôvah atao lei awpa, dâh pathaipa cheingei ta ahnei pa a pha.
Ahneina he hrochhôh châta â dai tahpa pahno ngâthlâh awpa.
Chapaw kô 21 a tlo tawhta, chanô deikua kô 18 a tloh tawhta lahpi/vahpa hnei awpa.
Chanô hlâta chapaw uthei viapa châ thei cheingei sa la a pha.
Hmi nata sâ a ngiana hlâta nôchâ, ria nata rei pachâ peimawh awpa.
Achuna lâ liata â hnai tu leipa chyhsa châ thei sala.
Saw zy ngiapâna lâ nata thaina-pahnona lâta chhihtha thei awpa.
Nie nata do (parithei) liata â boh pa chyhsa cheingei a châ awpa a châ.
Ahnei hlâta chanô-chapaw châna (sex) hmâh lei awpa.
Awnanopa, py (doctrine â lyupa) khapa châ thei sa la.
Zyhna hropa (other religion) pazi pa hnei lei awpa.
BIETLÂH PAKYUNA: Khizaw hmahsiena vâta khihsana nata achuna liata thata hmahsie pita, anodeikua lahpi/vahpa tlua dâh liata eima kho a pahâ lei ngaita kaw. A daihti lei ta liata chanô nata chapaw châna liata a piechhei pata nôvah zyta atao eita, châhrasala movi hlâta achhai pakhua pa nôvah ama hluh ngaita.
Akho nota asy (Kiss) pazy chhao he tao cheingei awpa dâh hawta zy eima pachâ haw. Ahnei hlâta chanô nata chapaw châna (pre-marital sex) a hmâpa zy chhao khâsaw ta rei leina alai ngaita kaw bâ. Chavâta ahnei hlâta a hriahrâpazy, asysâpa zy chhao tao lei awpa apha ngaita. Achhâpa la chyhsapazy palôh do leina lâta miah â chhituhpa Sâtâ chariah chhaichhi pha chaipa châ tlô ta.
Kyhtohtie liata ABEIPA Khazohpa he hmia eima pasa awpa a byuh. Hlazy 37:5 na liata cha *“Na yzie awpa cha ABEIPA liata pahnieh la: ano ngâ la, ano ta a tao aw”* a tah. Lahpi nata vahpa eima tlua daihti (Kô18-40 likah) no heta ABEIPA â saohia ngâthlâh na chôta tlua awpa he keimo ngiapâtuhpazy ta eima tao hialia awpa nata eima zyh hialia awpa cha tlao a châ.
Hlazy 31:1 liata cha “Ei daihti zy cha na ku liata y ta”, a tah. He bie tawhta a zâ lâ pasia ngaita pa cha hmo totie he Abeipa ku liata y ta, ano ngâ hmeiseihna chôta eima khopa zy ano lâta eima tlôkhei khiahta cha Abeipa ta eimâ hnabeiseihna hlâta phapa lahpi-vahpa maniah a pie cheingei aw tahpa Marâ satlia nata laihsazy athie pata pahno chanei heih suh vy.
ABEIPA TA BYHNÂ PIE MAWH SY. AMEN
JRTS, Shillong.
Hlazy 127:1. ABEIPA ta o a sa vei khiahtala, a satuhpazy chata ama hriapasa thlâh thli. ABEIPA ta khihpi a vaih vei khiahtala, a vaihtuhpa cha â hra thlâhthli thlâh haw.
BIEHMIAPA: O sa awpa ta pachâna sia kawpa, pachâna â thupa, nata pachâna pasi kawpa eima hmâh awpa he a byuh tyh, chahaw hrah na chata nôvah a taona kyh liata chhao pachâna paso kawpa nata pachâna pathu kawpa zy chhao he eima hmâ awpa a byuh.
Atahmâ chhâ liata athai so penawh zy ta cha ‘chhôkha phapa padua awpa ta cha satlia nata laihsa no tawhta maohphaona (responsiblity) âthao ha na ama tah, cha khia cha hrochhôh a kaolâh awpa, eima kârupa alei hapa eima tluana kyh lia heta Mara satlia nata laihsazy pi he eimâ chado kaw awpa nata eimâ sohsi kaw awpa he a byuh ngaita.
Satlia nata laihsa châta cha kaolâh tluah dâh he peimawh ngâsâ ta, he ary liata pa eima vaw palâsapazy he *pahno awpa byuh* ta, pa khâ tata eima reih awpa châ sa la.
1. ZÂKHANO EIMA MANÔH NATA MAHPAW DAIHTI NOTA MARA SATLIA NATA LAIHSA KAOLÂH Â TLUA DÂH:
Tiamana kyh liata zy, hrozie nôchâ liata zy, veiseihpalôhâna kyh liata zy, hri-iah pathai nata pathai lei kyh liata zy, ru ahmâpa/kusihsua hneipa chhôhkha ama châ nata châ lei liata zy, sahma zuapa ta nie a tluapa chhôhkha ama châ nata châ lei liata zy? hropareipa chhôhkha ma? hropachhopa chhôhkha ma ama châ? tahpa kyh liata zy he aru lâta thata amâ vaw chu tyh hrapa a châ.
2. ATAHMÂHLÂ KHIZAW CHYHSAZY KAOLÂH Â TLUA DÂH: Hmi nata sâ pha kawpa, pôrao â tlai kawpa, sôh nata thi liata âtivypa, sawkhâ raihriapa, hlao hneipa cheingei, O nata lyu hnei pha pa, râh hnei hluhpa, âhluatheipa hnei phapa, khizaw pâ kawpa chyhsa he lahpi/vahpa châta awnanopa chyhsazy hlâta pachâ peimawh ama hlao via ha bâ.
He thlie/saih dâh he atahmâ chhâsawzy ta eima lahpi/vahpa tluana kyh liata eima hmâ chaipa chhaichhi cha a châ.
3. KHAZOH CHYHSAZY KAOLÂH Â TLUA DÂH: Chyhsa pihpathi phapa, Khazohpa chakaona kyh liata âmo bao thei awpa, Achhyna-O pathaihpa pahy ta Khazohpa nata zawpi hmiakô liata bietaina hnei thei awpa chyhsa, chyhsa ngâchhihpa, a reisipa, nôchâ phapa, niedo na liata â hlaohli leipa, Khazohpa ta â tly pa-eih pa chyhsa-Theihthaipa (Pastor), thâtihpha chhotuhpa/Kraws Pheisai(Missionary), Awnanopa liata rai a hria penawh (Church Office-workers), Awnanopa liata ku nata phei a châ pha pa, khih nata tlâh, ti nata râh châta ku-phei a châ pa chyhsazy he ngiapâtuhpa phapazy ta ama lahpi/vahpa châta ama tluapa chyhsa zy cha ama châ.
4. BIEHRAI LIATA KHAZOH CHYHSAZY KAOLÂH AMA TLUA DÂH:
Zâkhano Israel saw zy, Abarahâ-Zakaw (the Patriarch) daihti no khata cha lahpi-vahpa amâ tlua dâh liata nô nata pawzy he bie ama hnei pathu ngaita. Nôpaw biephôh ta cha *Nôpawzy he alei liata sawzy châta Khazohpa na ama châ* ama vaw tahpa he â do zie ama za reih pasia kawpa ta a zâ lâ.
Nô nata paw zy chhaota ama maophaona pahnopasia kawna chôta sawna zy châta thapi phia hmeiseihna chôta, sawzy hrochhôh â kaolâh awpa châta ABEIPA â saohiana chôta ama vaw tluapa tyhpa a châ. Kho â chhi ngaita kaw.
Chi hro pho hropa zy nahta a vaw hnei pahlaopa he Israel (the Patriarch) saw zy ta vaw kho veih ei. Ama pahnopasia pa chyhsa, ama chihei cheingei/ama chhôhkha- ama puhpa saw zy he amâ vaw paza tyhpa a châ.
Nô nata pawzy ta ama pahnopasiapa chhôhkha liata laihsana zy he lahpi ta amâ vaw pazah tyhpa a vaw châ. Cha nota ABEIPA a saohia leipa ta lahpi/vahpa â mo khota ta a hneipa zy chhao vâropi reih awpa ama y thlâh hra. Châhrasala cha hawpa chyhsazy cha ama hro liata vâduana ta thata a chadai ta, ama hro liata rairuna zy thata a tlôthlu tyh ei.
ABEIPA â saohia nah chôta lahpi/vahpa a hneipa chyhsa zy deikua cha ABEIPA ta sawnaw liata zy, O nata lyu, sahro liata zy, byhnâ reitiah lei a pie tyh ei tahpa eima Biehrai pathaipa liata eima hmô. Isaka nata Rebekah thâtih pahno khai pita, ABEIPA ta kheita ma a patipatyh tahpa chhao a sia kawpa ta Biehrai liata â roh (Âthaona 24).
Abeipa ta ano achi tuh hmeiseihpazy cha a daihti ta liata ama kaolâh awpa amâ saduthliena hlâta pha viapa a sawna zy a pie tyhpa a vaw châ.
5. A KAOLÂH TLUA NOTA (AHNEI HLÂTA) PAHNO AWPAZY:
A parupa (elope) ta nôvah atao lei awpa, dâh pathaipa cheingei ta ahnei pa a pha.
Ahneina he hrochhôh châta â dai tahpa pahno ngâthlâh awpa.
Chapaw kô 21 a tlo tawhta, chanô deikua kô 18 a tloh tawhta lahpi/vahpa hnei awpa.
Chanô hlâta chapaw uthei viapa châ thei cheingei sa la a pha.
Hmi nata sâ a ngiana hlâta nôchâ, ria nata rei pachâ peimawh awpa.
Achuna lâ liata â hnai tu leipa chyhsa châ thei sala.
Saw zy ngiapâna lâ nata thaina-pahnona lâta chhihtha thei awpa.
Nie nata do (parithei) liata â boh pa chyhsa cheingei a châ awpa a châ.
Ahnei hlâta chanô-chapaw châna (sex) hmâh lei awpa.
Awnanopa, py (doctrine â lyupa) khapa châ thei sa la.
Zyhna hropa (other religion) pazi pa hnei lei awpa.
BIETLÂH PAKYUNA: Khizaw hmahsiena vâta khihsana nata achuna liata thata hmahsie pita, anodeikua lahpi/vahpa tlua dâh liata eima kho a pahâ lei ngaita kaw. A daihti lei ta liata chanô nata chapaw châna liata a piechhei pata nôvah zyta atao eita, châhrasala movi hlâta achhai pakhua pa nôvah ama hluh ngaita.
Akho nota asy (Kiss) pazy chhao he tao cheingei awpa dâh hawta zy eima pachâ haw. Ahnei hlâta chanô nata chapaw châna (pre-marital sex) a hmâpa zy chhao khâsaw ta rei leina alai ngaita kaw bâ. Chavâta ahnei hlâta a hriahrâpazy, asysâpa zy chhao tao lei awpa apha ngaita. Achhâpa la chyhsapazy palôh do leina lâta miah â chhituhpa Sâtâ chariah chhaichhi pha chaipa châ tlô ta.
Kyhtohtie liata ABEIPA Khazohpa he hmia eima pasa awpa a byuh. Hlazy 37:5 na liata cha *“Na yzie awpa cha ABEIPA liata pahnieh la: ano ngâ la, ano ta a tao aw”* a tah. Lahpi nata vahpa eima tlua daihti (Kô18-40 likah) no heta ABEIPA â saohia ngâthlâh na chôta tlua awpa he keimo ngiapâtuhpazy ta eima tao hialia awpa nata eima zyh hialia awpa cha tlao a châ.
Hlazy 31:1 liata cha “Ei daihti zy cha na ku liata y ta”, a tah. He bie tawhta a zâ lâ pasia ngaita pa cha hmo totie he Abeipa ku liata y ta, ano ngâ hmeiseihna chôta eima khopa zy ano lâta eima tlôkhei khiahta cha Abeipa ta eimâ hnabeiseihna hlâta phapa lahpi-vahpa maniah a pie cheingei aw tahpa Marâ satlia nata laihsazy athie pata pahno chanei heih suh vy.
ABEIPA TA BYHNÂ PIE MAWH SY. AMEN
