KTP DAY SERMON : KALPANA CHAWLA BIE KHAW!
- By Hrualai Fachhai
(Vâ su ruapa liata science nata khizaw hmasie via na châ ta a hrona a vaw hlâ ha pa khaw!).
.
[K.T.P day SAMAW]
.
India he eima pachhie kaw. Satellite ka papua hluh kaw bâ hr'eisila U.S zy RUSSIA zy hawhta eima pôhpa tlai ta vâruapa kawh ngaitapa liata â thaohnaopa rei awpa thati thei'pa a chy kaw chy. Chadeikua hnôhkhaw kawpa la châ mapi tahpa Kalpana tawh heta eima pahno thei aw. A kaolâhpa nata chhokhazy siesai pata vâruapa liata khi a tly ngahpa chanô cha!
Columbas STS-107 engine pakâpata a chatlie kawpa ta khizaw ama puasai (ama ka papua) tawhta experiment nanonanopa tao pâ lymâ ei ta, ama practise na kó khih zy rei tlôh ta ama tha chhao a thyu kaw, U.S lâ liata ama supi pa (NASA) tawhta bie a chho na pyu diah lei pata, thathyu kawpa nata pahneisilina chô ta report pie na pyu diah hra vei; chhaolei thlihua khopahâh kawpata sy heih ta, cha liata hmasiena a chadai haipa zy hnoh ta a hmo a chu papuapa rei na daihti y khao aw vei tahpa pachâna a hnei hr'awvâ ma, chanô riahpha *lei awsi* kha ta?
.
India chhao y pathâ a chhuah vei, space center tawhta a râh leilô sawzy ta eimâ palaikhei zie nata eima mopatâ zie zy, a tlâ-boh kawpa ta zatlô ei sala tahpa ama khokhei zie zy, a rônah kawpa ta dy awpa ama châ zie zy rei ta chho awpa ta thlai a call ha hra. Video call hmâpa ta India Space center tawhta amâ pakyh pathao ha. Gravity y khaolei na liata y pa cha khâpa ma a lyu tahpa zy, ama experiment taopa zy ahlao tloh lyma ma tahpa zy hiahri lymâ pata bielohawhpa ama rei laih lymâ. Hiahri tuhpa hiahrina cha pakiesilina chô ta a chhy lymâ ta, cha liata hiahrina a daopa sâkha(1) cha " Madam, atahmá cha khizaw khô lâ y ha bâ chi ta, kha na yna tawh khata kheihta khizaw he â lâ?" Cha hriahri achhyna cha na reih awpa a ngiatiahlei pa na ta, phuah awpa ei byuh sao ha heih chu!
Cha chhyna cha na ei hro lâthlô kyh na sapa ta, pachuna nata pasopakâna liahpahlô liata mohmia na pasaisa ha heih ty chu!
.
"Sir, kei tahmâ ta ei yna tawh heta khizaw hi â ngia kaw, chadeikua khâpa râh ma a châ tahpa ta ngia aru kaw ba, a sia kawpa ta a lâ pa sâkha deikua cha na, *Himalaya tlâthlôh* a ngia kawpa ta a tyuh thla ha pa hu" a video cha khizaw lâ vaw pahie ta. Â hno eih thlah tlai!
.
 do tlai na ta ty, khizaw liata o chhah sâh kawpa chhah 100 pa zy, lai katôpi zy a y holo ta raw, châsala lâhlapi tawhta la alâ thei tlâ khao vei Himalaya tlâthlô deileipa ta la. Chyhsa hmotaothei pa nata mapi-malai pa y ei ta, dyhpha pa nata hneirôh pa zy chhao ama y holo taraw ny, anodeikua lâhlapi tawhta a lâ theipa zy cha *Krista khaihna* â mo liata a y hapa zy ngâlâh he tlao ama châ! (Amen!)
.
Cha Anodeita a lâ patluapa cha ta a yna nôhâh pa y pata pangiasa via tyh ta, a chheipâ zy cha ano vâta avaw ngia via rili ei ta, avaw hmô tuhpa zy ta ano *A TAOTUHPA* ama vaw reithai ha tyh.
.
*Krizyhpa thyutlia, krista pheisai zy* lâhlapi tawh chhao ta alâ patlua thei awpata tiama papua via lyma suh vy. Eima mei-ô chaba pa deikua _thaina-sona zy, hmiphana zy, dyhphana zy, ryhraothaina zy_ châ leipa ta *krista mei-ô* châsala, a bai na dopa lia baih sih la, lâhlapi tawh ta alâ ta a chheipâ a pakhai tuhpa nata cheichalo tuhpa châ chyu suh vy..
.
_”Khizaw khaipa nama châ na. Tla laki liata khi a ypa cha nyu theipa châ vei"_ (Mathai 5:14).
*Nama khaihna cha chyhsa mohmô ta khaih se*.
(Vâ su ruapa liata science nata khizaw hmasie via na châ ta a hrona a vaw hlâ ha pa khaw!).
.
[K.T.P day SAMAW]
.
India he eima pachhie kaw. Satellite ka papua hluh kaw bâ hr'eisila U.S zy RUSSIA zy hawhta eima pôhpa tlai ta vâruapa kawh ngaitapa liata â thaohnaopa rei awpa thati thei'pa a chy kaw chy. Chadeikua hnôhkhaw kawpa la châ mapi tahpa Kalpana tawh heta eima pahno thei aw. A kaolâhpa nata chhokhazy siesai pata vâruapa liata khi a tly ngahpa chanô cha!
Columbas STS-107 engine pakâpata a chatlie kawpa ta khizaw ama puasai (ama ka papua) tawhta experiment nanonanopa tao pâ lymâ ei ta, ama practise na kó khih zy rei tlôh ta ama tha chhao a thyu kaw, U.S lâ liata ama supi pa (NASA) tawhta bie a chho na pyu diah lei pata, thathyu kawpa nata pahneisilina chô ta report pie na pyu diah hra vei; chhaolei thlihua khopahâh kawpata sy heih ta, cha liata hmasiena a chadai haipa zy hnoh ta a hmo a chu papuapa rei na daihti y khao aw vei tahpa pachâna a hnei hr'awvâ ma, chanô riahpha *lei awsi* kha ta?
.
India chhao y pathâ a chhuah vei, space center tawhta a râh leilô sawzy ta eimâ palaikhei zie nata eima mopatâ zie zy, a tlâ-boh kawpa ta zatlô ei sala tahpa ama khokhei zie zy, a rônah kawpa ta dy awpa ama châ zie zy rei ta chho awpa ta thlai a call ha hra. Video call hmâpa ta India Space center tawhta amâ pakyh pathao ha. Gravity y khaolei na liata y pa cha khâpa ma a lyu tahpa zy, ama experiment taopa zy ahlao tloh lyma ma tahpa zy hiahri lymâ pata bielohawhpa ama rei laih lymâ. Hiahri tuhpa hiahrina cha pakiesilina chô ta a chhy lymâ ta, cha liata hiahrina a daopa sâkha(1) cha " Madam, atahmá cha khizaw khô lâ y ha bâ chi ta, kha na yna tawh khata kheihta khizaw he â lâ?" Cha hriahri achhyna cha na reih awpa a ngiatiahlei pa na ta, phuah awpa ei byuh sao ha heih chu!
Cha chhyna cha na ei hro lâthlô kyh na sapa ta, pachuna nata pasopakâna liahpahlô liata mohmia na pasaisa ha heih ty chu!
.
"Sir, kei tahmâ ta ei yna tawh heta khizaw hi â ngia kaw, chadeikua khâpa râh ma a châ tahpa ta ngia aru kaw ba, a sia kawpa ta a lâ pa sâkha deikua cha na, *Himalaya tlâthlôh* a ngia kawpa ta a tyuh thla ha pa hu" a video cha khizaw lâ vaw pahie ta. Â hno eih thlah tlai!
.
 do tlai na ta ty, khizaw liata o chhah sâh kawpa chhah 100 pa zy, lai katôpi zy a y holo ta raw, châsala lâhlapi tawhta la alâ thei tlâ khao vei Himalaya tlâthlô deileipa ta la. Chyhsa hmotaothei pa nata mapi-malai pa y ei ta, dyhpha pa nata hneirôh pa zy chhao ama y holo taraw ny, anodeikua lâhlapi tawhta a lâ theipa zy cha *Krista khaihna* â mo liata a y hapa zy ngâlâh he tlao ama châ! (Amen!)
.
Cha Anodeita a lâ patluapa cha ta a yna nôhâh pa y pata pangiasa via tyh ta, a chheipâ zy cha ano vâta avaw ngia via rili ei ta, avaw hmô tuhpa zy ta ano *A TAOTUHPA* ama vaw reithai ha tyh.
.
*Krizyhpa thyutlia, krista pheisai zy* lâhlapi tawh chhao ta alâ patlua thei awpata tiama papua via lyma suh vy. Eima mei-ô chaba pa deikua _thaina-sona zy, hmiphana zy, dyhphana zy, ryhraothaina zy_ châ leipa ta *krista mei-ô* châsala, a bai na dopa lia baih sih la, lâhlapi tawh ta alâ ta a chheipâ a pakhai tuhpa nata cheichalo tuhpa châ chyu suh vy..
.
_”Khizaw khaipa nama châ na. Tla laki liata khi a ypa cha nyu theipa châ vei"_ (Mathai 5:14).
*Nama khaihna cha chyhsa mohmô ta khaih se*.
