AWHSICHAKEI (MARS) LIATA TI HMEISEIHPA AMA HMÔPAPUA HAW!
Noh chahlôtuhpa Planet hryta AWHSICHAKEI (Mars) liata TI HMEISEIHPA A OPA a y tlai, tahpa hmôpapuapa a châpa hawhta zâhnia zâcho khata USA TODAY chata a palâsa.
Noh tawhta planet â hlana lâta Mars he 4-na châ ta, Mara manô mapawzy ta cha AWHSICHAKEI ama vaw tah tyh.
He Awhsichakei chho lâ liana khta ti a opa a y tlai, tahpa AWHSICHAKEI achupasiatuhpa, NASA chata phuah ta. Awhsichakei ziza khi eima pahrâna khizaw ziza hlâta a chakua via syulyupa vâta hmo ti-â viapa maih cha dâhhawh tlo, alô lâta â lie hapa hawhta phie a y khai ha chhy.
NASA ta Awhsichakei/Mars achupasiana châta ama hmâpa, zizabalyh, Awhsichakei chahlôpa ta ziza liata pazawsapa Mars Express Orbiter tawhta radar instrument hmãpa ta radar ama kapapuapa cha avaw lie heihpa ta; he radar heta ultrasonic sound papuapa ta, he pyu, nah ta a thei phana khô lâ taihta paropa (Ultrasonic sound) a papuapa chata, Awhsichakei siphiah ry lâ liata ti a opa cha kei khaipa ta, a pyu (sound) cha Mars Express Orbiter lâ âvaw lie lymâ heihpa ta, Awhsichakei chho lâta dâhhawh apatlohpa, alô hawhta a chã khai hapa ry lâ liata ti a opa a y, tahpa avaw pahnosa ha heih.
He Awhsichakei liata tipo ama hmôpapuapa kawhna lâ he km 20 rachhôh a châ na ta pangiasa ei ta. He achupasiana liata ama hyutuh chaipa, Prof Roberto Orosei, Italian National Institute for Astrophysics chata, “Tipo (lake) kawh kawpa deikua châ vei” a ta.
He hawhta Tipo/ti a opa ama hmôpapuapa vâna heta, AWHSICHAKEI liana heta chyhsapazy hawhta hrona a hneipa mohropa ama y na ta pangiasana a lai kaw!
Planet hryta NOH (Sun) a hnia chaipa cha Mercury châ ta, DEIVA/THLASYU (Venus) ta pazi ta, eima pahrâna khizaw, ALEI (Earth) ta pazi heihpa ta, khizaw pazipa ta AWHSICHAKEI (Mars) a y heih hrapa a châ.
A sia viapa ta Mongyuh reih tlai ta reih khohpa châta link : Liquid water has been found Mars first time - USA TODAY
